Gripla

Ritstjórar Griplu:

Emily D. Lethbridge og Rósa Þorsteinsdóttir.

Gripla er ritrýnt tímarit sem kemur út í desember á hverju ári. Tímaritið er alþjóðlegur vettvangur fyrir rannsóknir á sviði íslenskra og norrænna fræða, einkum handrita- og textafræða, bókmennta og þjóðfræða. Birtar eru útgáfur á stuttum textum, greinar og stuttar fræðilegar athugasemdir (sem eru ekki ritrýndar). Ritdómar um bækur eru ekki birtir í Griplu og heldur ekki þýðingar á miðaldatextum nema þær fylgi útgáfu textans á frummáli. Greinar skulu að jafnaði skrifaðar á íslensku en einnig eru birtar greinar á öðrum norrænum málum, ensku, þýsku og frönsku. Greinum og útgáfum (öðrum en stuttum athugasemdum o.þ.h.) fylgja stuttir útdrættir og lykilorð. Hverju bindi Griplu fylgir handritaskrá.

Skilafrestur á greinum er til 1. apríl ár hvert.

Gripla hefur verið skráð í Arts and Humanities Citation Index gagnagrunninn sem tekinn er saman hjá Thomson Reuters og er metin til hæstu stiga (15) innan matskerfis Háskóla Íslands.

Hér má finna nánari upplýsingar um skil greina og birtingarferlið, ásamt leiðbeiningum um frágang greina í Griplu.

Gripla er í opnum aðgangi. Öll hefti eru aðgengileg á www.timarit.is.

Áskrift að tímaritinu má panta hjá Bóksölu stúdenta, hér. (orders@boksala.is)

Aðgangur er að Griplu 1-7 á www.timarit.is en einnig er hægt að nálgast Griplu 15-23 á síðum um tölublaðið hér fyrir neðan.