Flýtileiðir á vef Stofnun íslenskra fræða:

Flýtileiðir:

Fara efst a siðu

Meginmál vefsíðu:

Fara efst a siðu

Fræðsla

Stofnun Árna Magnússonar í íslenskum fræðum hefur m.a. það hlutverk að stuðla að aukinni þekkingu á íslensku máli, bókmenntum og menningu. Það er gert með ýmsu móti, t.d. með útgáfu kynningar- og fræðsluefnis fyrir almenning, kennslu og námskeiðshaldi fyrir innlenda og erlenda stúdenta og sýningum fyrir almenning og safnafræðslu fyrir nemendur á ýmsum skólastigum í tengslum við þær.

Námskeið

Íslenskunámskeið
Stofnun Árna Magnússonar í íslenskum fræðum gengst fyrir sumarnámskeiðum í íslensku máli og íslenskum fræðum í samvinnu við hugvísindadeild Háskóla Íslands, Háskólann í Minnesota, Bandaríkjunum og Nordkurs. Vefnámskeiðið Icelandic Online, sem stofnunin tók þátt í að útbúa, er mikilvægur undanfari annarra tungumálanámskeiða á vegum stofnunarinnar.

Alþjóðlegur sumarskóli í handritafræðum
Stofnun Árna Magnússonar í íslenskum fræðum heldur árlega alþjóðlegt sumarnámskeið í handritafræðum (International Summer School in Manuscript Studies) í samvinnu við Árnastofnun í Kaupmannahöfn, Landsbókasafn Íslands - Háskólabókasafn og háskólana í Tübingen, Zürich og Cambridge.

Miðaldafræði
Háskóli Íslands býður upp á alþjóðlega meistaranámsbraut í miðaldafræðum í samstarfi við stofnunina og fleiri.

Námskeið í Háskóla Íslands
Sérfræðingar Árnastofnunar  hafa ekki kennsluskyldu, en þeir hafa innt af höndum stundakennslu við Háskóla Íslands í þjóðfræðum, sagnfræði, bókmenntum fyrri alda, málsögu, textafræði, handritalestri og handritafræðum, málnotkun, orðabókarfræðum, nafnfræði og íðorðafræði. 

Eftirfarandi námskeið verða kennd við Háskóla Íslands veturinn 2011-2012 af sérfræðingum stofnunarinnar:

Fæðsluefni og leikir

Handritasýning

Merkustu handrit þjóðarinnar eru í vörslu Stofnunar Árna Magnússonar í íslenskum fræðum. Á handritasýningu stofnunarinnar í Þjóðmenningarhúsinu má skoða handrit eins og Konungsbók Eddukvæða, Snorra Eddu, Grágás og fleiri. Sýningin er opin daglega 11 - 17.