Stofnun Árna Magnússonar í íslenskum fræðum

Vefur Stofnunar Árna Magnússonar í íslenskum fræðum (SÁ) er unninn í vefumsjónarkerfinu SoloWeb.
Efnisvinnsla, skipulag og umsjón var í höndum vefnefndar SÁ. Í henni sátu: Rósa Sveinsdóttir (formaður), Ásta Svavarsdóttir, Hallgrímur J. Ámundason, Jóhannes B. Sigtryggsson, Ólöf Benediktsdóttir og Svanhildur Gunnarsdóttir. Meginvinnan hófst í janúar 2007.
Tæknivinna: Lausn hugbúnaður ehf.
Útlitshönnun og myndataka: Auglýsingastofan H2 hönnun.
Þýðendur:

Halldóra Jónsdóttir, verkefnisstjóri á orðfræðisviði SÁ, þýddi flest það sem birt er á dönsku heimasíðunni.
Philip Roughton, fræðimaður og þýðandi, þýddi flest það sem birt er á ensku heimasíðunni.

Efni vefsins

Vefsetri SÁ er ætlað að veita yfirsýn yfir starfsemi hennar.
Á vefnum er yfirlit yfir helstu starfssvið stofnunarinnar, rannsóknir sem þar eru stundaðar og verkefni sem unnið er að.
Þar er aðgangur að gagnasöfnum stofnunarinnar sem opin eru almenningi og fræðimönnum.
Einnig eru þar upplýsingar um útgáfuverk stofnunarinnar og um fræðslu og þjónustu á hennar vegum.
Á forsíðunni birtast auk þess fréttir og tilkynningar um málþing, opna fyrirlestra og aðra viðburði.

Stjórnborð vefsins

Vinstra megin á vefnum er veftré hans. Hnapparnir til vinstri á forsíðu sýna grunnskipulag efnisins eftir viðfangsefnum og starfssviðum. Þegar smellt er á einhvern þessara hnappa birtast undirflokkar eða einstakar undirsíður á viðkomandi sviði.
Hnappar á láréttum borða neðan við mynd vísa á yfirlit yfir ýmsa þætti í starfsemi stofnunarinnar í heild, þvert á starfssviðin. Þar má nefna lista yfir alla starfmenn, yfirlit yfir viðamestu rannsóknir og verkefni, lista yfir öll útgáfuverk stofnunarinnar ásamt upplýsingum um fræðslu og þjónustu.
Hægra megin er aðgangur að upplýsingum og gögnum sem nýtast öllum almenningi. Þar eru upplýsingar um handritasýningu stofnunarinnar, aðgangur að kennsluvef í íslensku fyrir erlenda stúdenta og að gagnasöfnum stofnunarinnar. Af forsíðunni er beinn aðgangur að þeim gagnasöfnum sem mest eru notuðu en ef smellt er á hnappinn 'Sjá fleiri gagnasöfn' birtist stafrófsraðaður listi yfir öll gagnasöfn á stofnuninni sem eru opin til leitar. Í ramma efst á síðunni hægra megin birtist fróðleikur eins og örnefni mánaðarins.
Stjórnborðið er sýnilegt hvar sem notandinn er staddur á vefnum.

Leiðakerfi vefsins

Leiðakerfi vefsins birtist í veftrénu sem kalla má fram með því að smella á viðeigandi hnapp efst á síðunni.
Ef notendur eru ekki vissir um hvar upplýsingarnar sem þeir sækjast eftir er að finna má nota leitargluggann efst í vinstra horni.

Leit á vef stofnunarinnar

Í leitargluggann er slegið inn leitarorð sem notandi telur líklegt að leiði hann á þær upplýsingar eða það efni sem hann sækist eftir og síðan er smellt á hnappinn við hlið hans.
Leitarniðurstöður birtast á miðsvæðinu á vefnum og þegar smellt er á líklega niðurstöðu opnast viðkomandi vefsíða.

Á döfinni og viðburðadagatal

Stofnunin stendur fyrir viðburðum sem eru öllum opnir, s.s. málþingum, fyrirlestrum og ráðstefnum. Upplýsingar um það sem er framundan birtast á forsíðu undir fyrirsögninni "Á döfinni"
Ef smellt er á hnappinn "Fleiri viðburðir" opnast síða þar sem hægt er að skoða alla viðburði á árinu, bæði aftur í tímann og þá sem eru framundan. Viðburðir eru skráðir eftir mánuðum.

Fréttir

Á forsíðu eru fluttar fréttir sem snerta stofnunina, starfsemi hennar og starfsfólk á einhvern hátt.
Nýjustu fréttirnar hverju sinni birtast á forsíðu, en nálgast má allan fréttadálkinn með því að smella á hnappinn "Eldri fréttir..." neðst á síðunni.

Prenta út efni

Mörgum finnst þægilegra að prenta út langt lesmál og lesa það á pappír. Þegar prenta skal síðu af vefnum er notast við prentskipun vafrans.
Til að prenta er farið í "File > Print..." í vafranum.
Hægt er að skoða prentsnið síðunnar áður en hún er prentuð með því að fara í „File > Print preview“.

Allt efni er unnið samkvæmt sérstökum verklagsreglum um efnisvinnslu á vefsetur stofnunarinnar.