[Mynd 3]

Handritin alla leið heim

Sex örsýningar um íslensk handrit í tilefni af 350 ára afmæli Árna Magnússonar
 
Árni Magnússon (1663–1730) var ötulasti safnari íslenskra handrita. Í safni hans eru um 3000 handrit og tæplega 14000 skjöl.
 
Safnið var tekið upp á varðveisluskrá UNESCO — Minni heimsins (Memory of the World Register) árið 2009.
 
Sýningunum er ætlað að vekja athygli á þeim mikilvæga og fjölbreytta menningararfi sem handritin geyma. Um leið eiga þær að minna á þá staðreynd að Árni Magnússon fékk handrit hvaðanæva að af landinu; handrit voru skrifuð og lesin um allt land og segja má að hvert hérað geti státað af dýrgrip í Árnasafni.
 
Eftirgerðum handrita verður komið fyrir á sex stöðum á landinu, á eða nálægt þeim stöðum þaðan sem Árni Magnússon fékk þau. Jafnframt hefur hverju handriti verið fengin fóstra, þjóðþekktur einstaklingur sem lætur sér annt um handritið, heimsækir það á Árnastofnun og kynnist efni þess, útliti og sögu með hjálp handritafræðings. Það kemur svo í hlut fóstrunnar að fara með endurgerð handrits heim í hérað og opna sýninguna sem því er helguð.

 

Hér á eftir fer listi yfir sýningarstaði, opnunardag sýninganna handrit og fóstrur þeirra: 

Staðarhólsbók rímna; skinnbók frá fyrri hluta 16. aldar
  

Kvæðabók frá Vigur; pappírshandrit frá 17. öld

Kjartan Sveinsson tónlistarmaður fóstrar handritið og opnar, ásamt Steindóri Andersen, sýningu að Tjarnarlundi
í Saurbæ, sunnudaginn 28. apríl kl. 14. Sýningin er haldin í samvinnu við Byggðasafn Dalamanna og Nýpurhyrnu ehf. að Nýp á Skarðsströnd og styrkt af Menningarráði Vestur-
lands. Frá byrjun júní verður sýningin að Laugum í Sælingsdal. Fræðari er Rósa Þorsteinsdóttir.

  

Bragi Valdimar Skúlason textasmiður fóstrar handritið og opnar sýningu í Vigur á Ísafjarðardjúpi 25. júní. Sýningin er haldin í samvinnu við heimamenn í Vigur og Byggða-
safn Vestfjarða og styrkt af Menningarráði Vestfjarða. Fræðari er Margrét Eggertsdóttir.

 

 

Flateyjarbók; skinnbók frá lokum 14. aldar
  

Physiologus; blöð úr skinnbók frá um 1200

Steinunn Sigurðardóttir fatahönnuður fóstrar handritið og opnar sýningu á Þingeyrum í Húnavatnssýslu föstudaginn 31. maí kl. 16. Sýningin er haldin í samvinnu við Þingeyrakirkju og Ingimund Sigfússon og styrkt af Menningarráði Norðurlands vestra. Fræðari er Guðrún Nordal.

  

Ragnar Stefánsson jarðskjálftafræðingur fóstrar handritið ásamt Hugleiki Dagssyni myndasöguhöfundi og opnar sýningu í Menningarhúsinu Bergi á Dalvík sunnudaginn 12. maí kl. 13. Sýningin er haldin í samvinnu við Menningarhúsið Berg og styrkt af Menningarráði Eyþings. Fræðari er Svanhildur Óskarsdóttir.

 

Margrétar saga; skinnbók frá um 1500
  

Skáldskaparfræði; skinnbók frá um 1300

Frú Vigdís Finnbogadóttir fyrrverandi forseti Íslands
fóstrar handritið og opnar sýningu á Skriðuklaustri í Fljótsdal laugardaginn 18. maí kl. 14. Sýningin er haldin
í samvinnu við Gunnarsstofnun á Skriðuklaustri og styrkt
af Menningarráði Austurlands. Fræðari er Guðvarður
Már Gunnlaugsson.

  

Charlotte Bøving leikari fóstrar handritið og opnar sýn-
ingu í Húsinu á Eyrarbakka föstudaginn 10. maí kl. 18. Sýningin er haldin í samvinnu við Byggðasafn Árnesinga
og styrkt af Menningarráði Suðurlands. Fræðari er Gísli Sigurðsson.