Fræðimannsíbúðir stofnunarinnar

Stofnunin hefur til umráða íbúðir sem leigðar eru til erlendra fræðimanna, að jafnaði hvorki skemur en viku né lengur en þrjá mánuði. Umsækjendur vinni að íslenskum fræðum við Háskóla Íslands eða sambærilegar stofnanir meðan á dvölinni stendur.

Önnur íbúðin er í risi fyrir ofan skrifstofu alþjóðasviðs stofnunarinnar í Þingholtsstræti 29, 101 Reykjavík. Húsið, sem á sér langa sögu, er úr timbri, reist 1899 og friðað. Íbúðin er 100 fermetrar og skiptist í tvö svefniherbergi, stofu, eldhús og bað.

Hin íbúðin er í Hvassaleiti 30, 103 Reykjavík, þriðju hæð. Íbúðina í Hvassaleiti fékk Stofnun Árna Magnússonar á Íslandi í arf frá Kristni E. Andréssyni (12. júní 1901-20. ágúst 1973) og Þóru Vigfúsdóttur (26. nóvember 1897-28. maí 1980). Hún er yfir 120 fermetrar og skiptist í þrjú svefniherbergi, stofu, eldhús og bað. Svalir eru á íbúðinni.

Íbúðirnar eru búnar líni, húsgögnum, ísskáp, þvottavél og sjónvarpi.

Nánari upplýsingar um íbúðir og leigukjör veitir starfsfólk stofnunarinnar, sími: 562 6050, netfang: nordals@hi.is.