Umgengni í fræðimannsíbúðunum

Þeim sem tekur fræðimannsíbúð á leigu er ætlað að dveljast þar á leigutímanum. Framleiga er óheimil og ekki er ætlast til að íbúðir séu lánaðar öðrum ef sá sem fékk íbúðina leigða er í burtu.

Gestir skulu ganga vel um íbúðirnar og skila þeim jafn hreinum og þeir tóku við. Þvo þarf eldhúsbekk og vask, laga til í skápum og þrífa eldavél og ísskáp. Salerni þarf að þrífa vel, þurrka af húsgögnum og úr gluggum, ryksjúga teppi og húsgögn og þvo gólf. Lín ber að þvo reglulega eða minnst hálfsmánaðarlega. Allt rusl á að setja í plastpoka og binda vel fyrir áður en því er hent í ruslalúgu á ganginum í Hvassaleitinu en í ruslatunnu utanhúss við Þingholtsstrætið. Ekki má safna saman rusli innan dyra lengi.

Óheimilt er að reykja innandyra. Ekki er leyfilegt að hafa húsdýr.

Íbúðir skulu ætíð vera læstar þegar enginn er heima.

Gestum ber að taka tillit til sambýlis við skrifstofur stofnunarinnar í Þingholtsstræti og gæta þess að vinnufriður sé í húsinu.

Þvottahús fyrir íbúa í Hvassaleiti 30 er í kjallara. Stofnunin á þar þvottavél sem gestir hafa aðgang að. Þvottavélin stendur við útvegginn og er merkt Árnastofnun. Athugið að ganga vel um. Lykill hangir í eldhúsi. Þvottavél er í íbúðinni í Þingholtsstræti.

Lykil að íbúðunum má nálgast á stofnuninni eða annars staðar eftir samkomulagi.