Þrjátíu nemar luku sumarskóla í handritafræðum

Sumarskóla í handritafræðum var slitið í Kaupmannahöfn föstudaginn 18. ágúst. Skólinn er samstarfsverkefni Stofnunar Árna Magnússonar í íslenskum fræðum og Nordisk Forskningsinstitut í Kaupmannahöfn í samvinnu við Landsbókasafn Íslands - Háskólabókasafn.

Nemendur í skólanum þetta árið voru þrjátíu, þar af hlutu átján grunnmenntun, átta voru framhaldsnemar og fjórir mættu í vinnustofur og unnu með forn handrit undir leiðsögn sérfræðinga.

Vinnusamir nemendur í sumarskóla í handritafræðum sumarið 2017. Þó nemendur við skólann hafi oftast verið fleiri, myndaðist góð stemmning og vinnusemi var mikil. Þetta ár varði námskeiðið í tvær vikur, en það hefur undanfarin ár varað í rúma viku.

 

 

 

 

Nemendur heimsóttu safn í Lejre.

 

Nemendur sátu ekki aðeins í skólastofum og unnu með handrit því einnig var farið í vettvangsferð til Roskilde og Lejre, þar sem Lejre museum var heimsótt.

Þórunn Sigurðardóttir rannsóknarlektor við Stofnun Árna Magnússonar í íslenskum fræðum var einn af kennurum sumarskólans í handritafræðum.

 

 

 

 

 Hér má fræðast frekar um námið.

 

 

 

 

 

 

Sett inn 16.08.2017
Til baka
Deila þessari frétt: Senda frétt Facebook