Orðabankinn

Íðorðabankinn

Íðorðabanki Árnastofnunar hefur að geyma sérhæfðan hugbúnað fyrir skráningu og birtingu orðasafna. Höfundar fá aðgang að skráningarkerfi til þess að vinna að söfnum sínum og bætast þau síðan í hóp annarra orðasafna sem almennir notendur Íðorðabankans geta leitað í. Gerður er samningur við höfunda orðasafna um að þeir fái endurgjaldslausan aðgang að skráningarkerfinu gegn því að stofnunin megi birta orðasöfnin í Íðorðabankanum á Netinu. Höfundar hafa eftir sem áður allan rétt til verka sinna og geta birt þau hvar og hvenær sem þeir vilja.

Í september 2006 tók málræktarsvið Stofnunar Árna Magnússonar í íslenskum fræðum við rekstri Íðorðabankans af Íslenskri málstöð.

Eldri og ítarlegri texti um Íðorðabanka Árnastofnunar og sögu hans

Ritstjóri Íðorðabankans er Ágústa Þorbergsdóttir, agustath [hjá] hi.is.