Dagana 2.– 5. mars skipuleggur Samstarfsnefnd um kennslu í Norðurlandafræðum erlendis, sem starfar á vegum Norrænu ráðherranefndarinnar, í samstarfi við Nordic Centre in India, málþing í Delhi og Hyderabad á Indlandi. Yfirskrift málþinganna er: „Nordic perspectives – a common ground for change“. Þar verður fjallað um sögu norræns samstarfs, velferðarríkið, lýðræði og jafnréttismál, umhverfismál og tungumálastefnu Norðurlanda. Fyrirlesarar verða Guðmundur Hálfdanarson, prófessor við Háskóla Íslands, Sven E. O.

Guðrún Nordal, forstöðumaður Stofnunar Árna Magnússonar í íslenskum fræðum segir í viðtali við Kolbrúnu Bergþórsdóttur „gríðarlega spennandi möguleika skapast þegar stofnunin kemst á einn stað. Hún hefur þá sýn að þá muni stofnunin opnast upp á gátt.".

Viðtalið birtist í Morgunblaðinu í gær, sunnudaginn 21. febrúar. Með góðfúsu leyfi ritstjórnar blaðsins má nálgast viðtalið hér:

• „Menningararfur í nýju samhengi“. Viðtal við Guðrúnu Nordal í Morgunblaðinu 21. febrúar 2010 (pdf, 163 k).

Út er komið ritið Fáum mönnum er Kári líkur. Nítján kárínur gerðar Kára Kaaber sextugum 18. febrúar 2010. Ritið inniheldur stuttar og skemmtilegar greinar fræðimanna og félaga Kára til heiðurs.

Umsjón með útgáfunni höfðu Ari Páll Kristinsson, Ágústa Þorbergsdóttir og Jóhannes B. Sigtryggsson.

Nýlega kom út ritið „Nokkrar handlínur bróderaðar handa Kristínu Bjarnadóttur sextugri 9. janúar 2010“. Í ritinu eru tæplega þrjátíu stuttar og skemmtilegar greinar sem samstarfsfólk og félagar settu saman til heiðurs Kristínu.

Umsjón með útgáfunni höfðu Sigrún Helgadóttir, Ásta Svavarsdóttir og Jón Hilmar Jónsson.

Efnisyfirlit

Við Uppsalaháskóla er laus er til umsóknar aðjunktstaða í norrænum málum með áherslu á íslensku. Ráðning hefst eftir samkomulagi. Aðjunktnum er ætlað að kenna íslensku forna og nýja, íslenskar bókmenntir og um íslenskt samfélag

Umsækjendur skulu a.m.k. hafa lokið M.A. prófi í íslensku eða sambærilegu prófi. Æskilegt er að þeir eigi íslensku að móðurmáli. Nám í kennslufræði og kennslureynsla á háskólastigi nauðsynleg.

Upplýsingar um starfið fást hjá Staffan Fridell, forstöðumanni norrænudeildarinnar við Uppsalaháskóla í síma 018-471 1273.

Alþjóðlega ráðstefnan „EDULEARN10“ (International Conference on Education and New Learning Technologies) verður haldin í Barcelona á Spáni dagana 5. - 7. júlí.

Upplýsingar um ráðstefnuna má fá á heimasíðunni: www.edulearn10.org.

Laus er til umsóknar tímabundin kennarastaða í íslensku við Vínarháskóla. Ráðið verður í stöðuna frá og með 1. september 2010. Kennsluskylda er 10 tímar á viku. Umsækjendur skulu hafa lokið M.A. prófi í íslensku og eiga íslensku að móðurmáli. Æskilegt er að þeir hafi kennslureynslu og góða kunnáttu í þýsku.

Upplýsingar um kennsluna og launakjör fást hjá Úlfari Bragasyni, rannsóknarprófessor, í síma 562 6050.

Afmælisrit Svavars Sigmundssonar, Nefningar, er komið út. Ritinu verður dreift til áskrifenda á næstu dögum.

Í tilefni af sjötugsafmæli Svavars Sigmundssonar 7. september 2009 ákvað Stofnun Árna Magnússonar í íslenskum fræðum að gefa út afmælisrit honum til heiðurs með úrvali greina sem hann hefur skrifað í ýmis tímarit, ráðstefnurit, afmælisrit og aðrar bækur.

Auglýstir hafa verið styrkir menntamálaráðuneytis til erlendra stúdenta sem hyggja á nám í íslensku við Háskóla Íslands skólaárið 2010-2011. Umsóknarfrestur er til 1. mars 2010.

• Upplýsingar og umsóknareyðublöð

Staða íslenskukennara við Sorbonneháskóla í París er laus til umsóknar. Ráðið verður í stöðuna frá og með 1. september 2010. Ráðning er tímabundin til þriggja ára með möguleika á endurráðningu til jafnlangs tíma. Kennsluskylda er 192 tímar á ári. Krafist er M.A. prófs í íslensku og kennslureynslu. Umsækjendur þurfa að geta kennt íslenskt mál og bókmenntir og fjallað um íslenskt samfélag. Æskilegt er að þeir hafi búið á Íslandi undanfarin ár. Kunnátta í frönsku er nauðsynleg.

Vísindanefnd hefur úthlutað styrkjum úr Rannsóknasjóði Háskóla Íslands. Þar á meðal eru þrjú verkefni sem unnin verða á Stofnun Árna Magnússonar í íslenskum fræðum:

Stjórn Rannsóknasjóðs Rannís hefur lokið við úthlutun styrkja til nýrra rannsóknaverkefna fyrir árið 2010. Þar á meðal eru tvö verkefni sem unnin verða á Stofnun Árna Magnússonar í íslenskum fræðum: