Stjórn Rannsóknasjóðs Rannís hefur lokið við úthlutun styrkja til nýrra rannsóknaverkefna fyrir árið 2010. Þar á meðal eru tvö verkefni sem unnin verða á Stofnun Árna Magnússonar í íslenskum fræðum:

Sagnfræðingafélag Íslands og Félag þjóðfræðinga á Íslandi áætla að halda næstu landsbyggðaráðstefnu sína á Suðausturlandi; í Suðursveit og á Höfn Hornafirði. Ráðstefnan verður haldin í samvinnu við Fræðasetur Háskóla Íslands á Höfn og ReykjavíkurAkademíuna, helgina 21.-23. maí.

Fyrsta rannsóknarkvöld Félags íslenskra fræða á þessu vormisseri verður haldið næstkomandi fimmtudag, 28. janúar, kl. 20 í húsi Sögufélagsins, Fischersundi 3. Þar flytur Óskar Guðmundsson, rithöfundur, fyrirlestur sem hann nefnir Um ævisögu Snorra Sturlusonar. Höfundur lýsir erindi sínu á þessa leið:

Íslenska málfræðifélagið og Málvísindastofnun Háskóla Íslands halda hina árlegu Rask-ráðstefnu um íslenskt mál og almenna málfræði laugardaginn 30. janúar næstkomandi í fyrirlestrasal Þjóðminjasafnsins.

Dagskrá

9.00. Ráðstefnan sett
9.15–9.45. Kristín Bjarnadóttir: Algilt -i eða hverfult? Um þágufall eintölu í sterkum hvorugkynsnafnorðum
9.45–10.15. María Garðarsdóttir og Sigríður Þorvaldsdóttir: Stigveldi máltileinkunar

Alþjóðlegur sumarskóli í handritafræðum
Den Arnamagnæanske Samling í Kaupmannahöfn
12. - 20. ágúst 2010

Alþjóðlegur sumarskóli í handritafræðum á vegum Den Arnamagnæanske Samling í Kaupmannahöfn og Stofnunar Árna Magnússonar í íslenskum fræðum hefst 12. ágúst n.k. Í sumar fer námið fram í Kaupmannahöfn en annað hvert ár í Reykjavík.

Nánari upplýsingar má fá á ensku á heimasíðu Den Arnamagnæanske Samling: http://nfi.ku.dk/kalender/7th-int-manuscript/

Rannsóknarstofa um íslensk fræði og íslenskukennslu heldur málþing um íslenskukennslu og vefinn þann 27. janúar næstkomandi í húsnæði Menntavísindasviðs Háskóla Íslands við Stakkahlíð/Háteigsveg. Þar munu fulltrúar ýmissa stofnana kynna það starf sem þar er unnið og tengist íslenskukennslu á vef. Um er að ræða mikla fjölbreytni og samband við alla aldurshópa, allt frá nemendum á leikskólaaldri til háskólanema og starfandi fólks um allt land. Íslendingar jafnt sem útlendingar og innflytjendur njóta þess starfs sem unnið er á þessum vettvangi.

Þann 1. febrúar hefst 8 vikna íslenskunámskeið á vegum Háskóla Íslands sem nefnist: Icelandic Online Plus. Icelandic Online Plus er vefnámskeið í íslensku sem er ætlað erlendum háskólanemum.

• Nánari upplýsingar á ensku

Öryggisvörður stendur reglubundnar vaktir samkvæmt vaktaskrá og einnig aukavaktir vegna tilfallandi aðstæðna.
Öryggisvörður vaktar húsnæði og viðvörunarkerfi.
Öryggisvörður hefur eftirlit með húsnæði og búnaði og sinnir einföldu viðhaldi og viðvikum.

Hæfniskröfur: Góð almenn menntun og reglusemi. Gott almennt heilsufar. Hreint sakavottorð. Almenn starfsreynsla og jákvæð frammistaða á almennum vinnumarkaði. Árvekni og skyldurækni í starfi. Vinsamlegt viðmót og vilji til samstarfs um hag stofnunarinnar.

Auglýstur hefur verið laus til umsóknar 5000 dollara styrkur til að þýða úr dönsku, sænsku, norsku eða íslensku yfir á ensku. Styrkurinn er veittur ungum þýðendum, undir þrítugu. Umsóknarfrestur rennur út 13. febrúar 2010.

• Lesa má nánar um styrkinn á ensku (pdf, 76 k)

Kaupmannahafnarháskóli auglýsir doktorsstyrki til rannsókna á norrænum málum.

• http://phd.hum.ku.dk/Blivph.d./stipendieopslag/
• http://nfi.ku.dk/nyheder/phd-stipendie-nov09/

Hugvísindaþing 2010 verður haldið dagana 5. og 6. mars n.k. Hugvísindaþing er árviss ráðstefna Hugvísindasviðs Háskóla Íslands þar sem fram er borið það helsta í fræðunum í stuttum fyrirlestrum og málstofum ætluðum fræðasamfélaginu jafnt sem almenningi. Áhugasamir geta tekið dagana frá. 

• Hugvísindaþingið í fyrra (2009)

Sænska ríkisstjórnin hefur ákveðið að styrkja Háskólann í Gautaborg um 500.000 sænskar krónur (8,7 milljónir ÍKR) vegna samningar íslensk-sænskrar orðabókar. Bókin er gerð i samvinnu við Stofnun Árna Magnússonar í íslenskum fræðum og er hluti af svokölluðu ISLEX orðabókaverki. Innan ISLEX er einnig verið að þýða íslensk orð yfir á norsku og dönsku en bókin á að nýtast öllum þeim sem þurfa á íslensk-norrænum orðabókum að halda. Sérstök áhersla er lögð á að sinna þörfum sænskra, norskra og danskra notenda, ekki síst þýðenda úr íslensku á skandinavísku málin.