Vísindanefnd háskólaráðs auglýsir styrki sem ætlaðir eru nýdoktorum (post-docs) í starfi við Háskóla Íslands. Til nýdoktora teljast þeir sem lokið hafa doktorsverkefni sl. fimm ár.

Styrkhæfir eru nýdoktorar sem eru verkefnaráðnir tímabundið til að leggja stund á rannsóknir við Háskóla Íslands eða stofnanir í tengslum við hann. Styrkþega er heimilt að verja styrk til eigin launa eða annars kostnaðar við rannsóknir sínar.

Stofnunin gefur út fréttabréf á ensku til að miðla upplýsingum um kennslu og rannsóknir í fornnorrænum og íslenskum fræðum, ráðstefnur og fundi, bækur og tímarit. Það kemur að jafnaði út tvisvar á ári og flytur fréttir bæði frá Íslandi og öðrum löndum. Fréttabréfið er sent stofnunum og fræðimönnum, hvarvetna í heiminum, sem Stofnun Árna Magnússonar í íslenskum fræðum hefur á póstfangaskrá sinni.

Bókin „Íslensk málhreinsun. Sögulegt yfirlit“ eftir Kjartan G. Ottósson (1990) hefur um langt skeið verið ófáanleg. Nú er ný prentun á leiðinni á vegum Stofnunar Árna Magnússonar í íslenskum fræðum.

Hægt er að tryggja sér eintak á tilboðsverði, 2.900 kr., með því að senda tölvupóst á kari [hjá] hi.is fyrir 16. febrúar nk. Almennt útsöluverð bókarinnar verður 3.900 kr. Í tilboðsverðinu er ekki innifalinn sendingarkostnaður fyrir þá sem ekki hyggjast sækja bókina sjálfir á stofnunina.

Málstofur Stofnunar Árna Magnússonar í íslenskum fræðum halda áfram á vorönn með svipuðu sniði og í haust.

Dagskrá vormisseris verður þannig:

• 30. janúar Birgit Nyborg: Að þýða riddarasögur
• 27. febrúar Vésteinn Ólason: Arfleifð Árna Magnússonar
• 27. mars Yelena Sesselja Helgadóttir: Íslenskar þulur síðari alda 
• 24. apríl Ágústa Þorbergsdóttir: Þróun íðorðafræði
• 29. maí Annette Lassen: Fornaldarsögur og lærdómsmenning

Efni hverrar málstofu verður kynnt nánar þegar nær dregur.

Laugardaginn 24. janúar nk., kl. 13.15, verður haldinn opinn fræðslufundur í Nafnfræðifélaginu í Öskju, húsi Háskóla Íslands, stofu N 130. (Ath. nýjan stað!)

Jörundur Svavarsson prófessor flytur fyrirlestur sem hann nefnir

Föstudaginn 23. janúar n.k. mun Timothy Stinson, dósent í ensku við fylkisháskólann í Norður-Karólínu, Bandaríkjunum, halda fyrirlestur í Bibliographical Society of America, New York, um tilraunir sem hann hefur staðið fyrir til þess að leiða í ljós hvort unnt sé að greina DNA erfðavísa í fornu bókfelli handrita og nota þá til þess að aldurs- og staðgreina handrit.

Lesa má nánar um verkefni Stinsons á þessum vefslóðum:

Úthlutað hefur verið úr sjóðnum Gjöf Jóns Sigurðssonar. Að þessu sinni voru veittar 12 viðurkenningar. Tveir fræðimenn á Stofnun Árna Magnússonar í íslenskum fræðum voru þeirra á meðal:

Hönnun er hafin við hús yfir stofnunina og íslenskuskor Háskóla Íslands. Grundvöllur hönnunarinnar er tillaga Hornsteina arkitekta ehf., vinningstillaga í samkeppni sem haldin var árið 2008, með sérstæðri sporöskjulaga grunnmynd og útveggjum skreyttum handritatextum. Nánari upplýsingar má fá á heimasíðu Framkvæmdasýslu ríkisins.

• Frétt á heimasíðu FSR
• Kynning á verkinu

Málþingið „Íslenskt mál og íslensk málstefna“ fer fram þriðjudaginn 20. janúar kl. 15-16:30 í Skriðu í Stakkahlíð, húsnæði Menntavísindasviðs Háskóla Íslands. Málþingið er á vegum Rannsóknarstofu í íslenskum fræðum og íslenskukennslu.

Fjallað verður um stöðu móðurmálsins í stærsta vígi kennaramenntunar á Íslandi með hliðsjón af nýútkomnum tillögum Íslenskrar málnefndar að íslenskri málstefnu og nýlegri umræðu á Alþingi. Á málþinginu gefst tækifæri til að ígrunda mikilvæg atriði sem tengjast móðurmáli og kennslustefnu.

Úrslit hafa nú ráðist í Nýyrðakeppni í 5.–7. bekk grunnskóla sem hleypt var af stokkunum á degi íslenskar tungu 16. nóvember sl. Íslensk málnefnd hafði frumkvæði að keppninni en ásamt málnefndinni stóðu Námsgagnastofnun, Stofnun Árna Magnússonar í íslenskum fræðum og Skýrslutæknifélag Íslands að keppninni. Undirbúningshópur sem stóð að keppninni hefur nú lokið við að fara yfir úrlausnir. Alls bárust úrlausnir frá 1763 nemendum í 82 skólum (af 176 á öllu landinu) um allt land. Árið 2007 voru ríflega 13.000 nemendur í 5.–7.

Handritin sem alla jafna eru sýnd á handritasýningu stofnunarinnar í Þjóðmenningarhúsinu hafa verið fjarlægð tímabundið af sýningunni. Er þetta gert vegna nauðsynlegra endurbóta á sýningaskápum. Um leið og endurbótum er lokið verður handritunum komið aftur fyrir á sýningunni. Þangað til er sýningin að öðru leyti opin gestum.

Menntamálaráðuneyti hefur auglýst styrki til íslenskunáms við Háskóla Íslands lausa til umsóknar. Stúdentar sem vilja sækja um þessa styrki þurfa að senda umsókn til viðeigandi stjórnvalds í heimalöndum sínum.

• Nánari upplýsingar á ensku í skjali frá menntamálaráðuneyti (pdf, 128 k)