Fimmtudaginn 27. nóvember verður þriðja málstofa vetrarins á vegum miðaldastofu. Ármann Jakobsson ræðir um Morkinskinnu.

Nafnfræðifélagið heldur fræðslufund laugardaginn 29. nóvember nk. kl. 13.15 í stofu 101 á Háskólatorgi (HT 101). (Ath. nýjan fundarstað.)

Inga Lára Baldvinsdóttir og Magnús Karel Hannesson halda fyrirlestur sem þau nefna Örnefni á Eyrarbakka.

Málstofan „Internordisk kommunikation og nordisk sprogpolitik“ verður haldin á Radisson SAS Hótel Sögu, laugardaginn 6. desember og hefst klukkan tvö. Málstofan er hluti af ráðstefnunni „Cultures in Translation“ á vegum Stofnunar Vigdísar Finnbogadóttur og fer fram á dönsku, norsku og sænsku. Aðgangur er ókeypis.

• Dagskrá málstofunnar (á dönsku)

Málræktarþing Íslenskrar málnefndar og Mjólkursamsölunnar: Íslenska til alls – Tillögur að íslenskri málstefnu fór fram á degi íslenskrar tungu 16. nóvember. Hátíðin var skemmtileg, fróðleg og hátíðleg.

Frá árinu 1996 hefur 16. nóvember, sem er fæðingardagur Jónasar Hallgrímssonar, verið haldinn hátíðlegur og nefndur dagur íslenskrar tungu. Menntamálaráðuneyti hefur falið Stofnun Árna Magnússonar í íslenskum fræðum að annast ýmsa verkþætti í tengslum við viðburði á degi íslenskrar tungu 2008. Upplýsingar gefur Ágústa Þorbergsdóttir á málræktarsviði, netfang: agustath@hi.is.

Ættartölusafnrit séra Þórðar Jónssonar í Hítardal er nú komið út á vegum Stofnunar Árna Magnússonar í íslenskum fræðum í tveimur bindum. Hér er um að ræða stórmerka frumheimild fyrir íslenskar ættfræðirannsóknir. Ættartölusafnritið er samtíðarheimild um ættir, afkomendur og búsetu fjölda Íslendinga á fyrri hluta 17. aldar. Af því spruttu yngri gerðir auknar efni um nýjar kynslóðir og frá þessum ritum er runnin ómæld þekking í prentuð ættfræðirit á nútíma.

Umsókn um ríkisstyrk Árnastofnunar í Kaupmannahöfn fyrir árið 2009 rennur út 20. nóvember n.k. kl. 12. Styrkurinn er veittur íslenskum ríkisborgurum til handritarannsókna í Den Arnamagnæanske Samling í Kaupmannahöfn.

Um styrkinn geta sótt fræðimenn, með eða án háskólamenntunar. Styrkurinn er þetta árið um 21.000 danskar krónur á mánuði, auk ferðakostnaðar, og má veita umsækjanda í allt að tólf mánuði. Að jafnaði er styrkurinn aðeins veittur í 1-3 mánuði.

Ársskýrsla stofnunarinnar er komin út. Skýrslan nær yfir tímabilið 1. september 2006, þegar fimm stofnanir voru sameinaðar í Stofnun Árna Magnússonar í íslenskum fræðum, til 31. desember 2007.
 

Greinar úr tveimur nýjustu árgöngum Griplu má nú lesa á heimasíðu stofnunarinnar. Gripla er ritrýnt tímarit sem kemur út einu sinni á ári. Það er alþjóðlegur vettvangur fyrir rannsóknir á sviði íslenskra og norrænna fræða, einkum handrita- og textafræða, bókmennta og þjóðfræða. Greinar í Griplu eru að jafnaði á íslensku en einnig eru birtar greinar á öðrum norrænum málum, ensku, þýsku og frönsku. 

Félag talkennara og talmeinafræðinga, Íslenska málfræðifélagið, Málvísindastofnun Háskóla Íslands og Heyrnar- og talmeinastöð Íslands gangast fyrir ráðstefnu um tal- og málmein laugardaginn 8. nóvember næstkomandi.

Fjallað verður um rannsóknir á málþroska táknmáls og raddmáls, stöðu íslenska táknmálsins sem móðurmáls, máltöku heyrnarskertra barna, framburð barna, greiningu á stami, þátt máltöku í málbreytingum, um málþroska fyrirbura, tengsl málfræðivillna og málþroskaröskunar, viðbrögð við alvarlegri málþroskaröskun ungra barna og um málörvun við upphaf skólagöngu.

Næstkomandi fimmtudag (6. nóvember) verður önnur málstofa vetrarins á vegum miðaldastofu. Álfdís Þorleifsdóttir, meistaranemi í íslenskum bókmenntum, ræðir um strengleika.

Á rannsóknarkvöldi Félags íslenskra fræða, sem haldið verður fimmtudaginn 13. nóvember, flytur Davíð Ólafsson M.A. í sagnfræði erindið: Handrit á heimsmælikvarða. Rannsóknarkvöldið hefst klukkan 20 og fer fram í húsi Sögufélagsins, Fischersundi 3.

Davíð lýsir erindi sínu á þennan hátt: