Ný bók
frá
STOFNUN ÁRNA MAGNÚSSONAR
Í ÍSLENSKUM FRÆÐUM

ÆTTARTÖLUSAFNRIT
SÉRA ÞÓRÐAR JÓNSSONAR Í
HÍTARDAL
I–II

Guðrún Ása Grímsdóttir annaðist útgáfuna. 1012 bls.
Stofnun Árna Magnússonar í íslenskum fræðum
ISBN I–II: 978-9979-654-02-5
I: 978-9979-654-03-2
II: 978-9979-654-04-9

Laugardaginn 1. nóvember nk., kl. 13.15, verður haldinn opinn fræðslufundur í Nafnfræðifélaginu að Neshaga 16, stofu 101.

Gunnhildur Skaftadóttir heldur fyrirlestur um meistaraprófsverkefni sitt: Frá Víðirnesi til Vindhljóma: Sýn Vestur-Íslendinga á umhverfi lesin úr íslenskum örnefnum.

Umsókn um styrki Snorra Sturlusonar fyrir árið 2009 rennur út 1. nóvember. Styrkirnir eru veittir erlendum rithöfundum, þýðendum og fræðimönnum (ekki háskólastúdentum) á sviði mannvísinda til að dveljast á Íslandi í þrjá mánuði hið minnsta í því skyni að kynnast sem best íslenskri tungu, menningu og mannlífi. Styrkirnir miðast að öllu jöfnu við greiðslu á ferðakostnaði styrkþega til og frá Íslandi og dvalarkostnaði innanlands. Af tveimur jafnhæfum umsækjendum skal að jafnaði sá hljóta styrk sem er frá Austur- og Suður-Evrópu, Asíu, Afríku, Rómönsku Ameríku eða Eyjaálfu.

Auglýst hefur verið laus til umsóknar staða kennara í íslensku máli og bókmenntum við Háskólann í Kaupmannahöfn. Umsóknarfrestur er til hádegis þann 3. nóvember 2008. Ráðið verður í stöðuna frá og með 1. febrúar 2009. ítarlegar upplýsingar má lesa í auglýsingu frá Kaupmannahafnarháskóla.

• Auglýsingin um stöðuna á dönsku (word, 30 k).

Auglýst hefur verið laus til umsóknar aðjunktsstaða í nafnarannsóknum við Háskólann í Kaupmannahöfn (Nordisk Forskningsinstitut). Umsóknarfrestur er til hádegis þann 3. nóvember 2008. Ráðið verður í stöðuna frá og með 1. janúar 2009. Nánari upplýsingar má fá á heimasíðu skólans.

• http://nfi.ku.dk/nyheder/adjunktur_navneforskning/

Að kvöldi 20. október 1728 kom upp eldur í húsi úti við Vesturporti í Kaupmannahöfn og varð það upphafið að miklum bruna sem geisaði fram á laugardagsnótt og lagði stóran hluta borgarinnar í rúst. Þegar Árni Magnússon frétti á fimmtudagsmorgun að turnspíra Frúarkirkju væri fallin og ljóst var að eldurinn yrði ekki haminn hófst hann handa við að bjarga bókasafni sínu. Tjónið á handritasafni Árna verður aldrei að fullu upplýst en síðari tíma athuganir benda til að það hafi verið minna en hann áleit.

Auglýst er laus til umsóknar staða kennara í íslensku við Rómarháskóla – La Sapienza. Ráðið verður í stöðuna til eins árs frá 1. nóvember nk. Möguleiki gæti orðið á framlengingu á starfi til 2011. Kennaranum er ætlað að kenna íslenskt nútímamál og bókmenntir. Kennsluskyldan er 12 tímar á viku. Laun eru greidd samkvæmt launataxta Rómarháskóla.

Umsækjendur skulu a.m.k. hafa lokið M.A.-prófi í íslensku eða sambærilegu prófi. Æskilegt er að umsækjendur hafi reynslu af kennslu á háskólastigi og þekkingu á ítölsku. Umsóknarfrestur er til 23. október nk.

Ríkisstyrkur Árnastofnunar í Kaupmannahöfn fyrir árið 2009 er laus til umsóknar. Styrkurinn er veittur íslenskum ríkisborgurum til handritarannsókna í Den Arnamagnæanske Samling í Kaupmannahöfn.
Um styrkinn geta sótt fræðimenn, með eða án háskólamenntunar. Styrkurinn er þetta árið um 21.000 danskar krónur á mánuði, auk ferðakostnaðar, og má veita umsækjanda í allt að tólf mánuði. Að jafnaði er styrkurinn aðeins veittur í 1-3 mánuði.

Fjórir sóttu um stöðu forstöðumanns Stofnunar Árna Magnússonar í íslenskum fræðum. Umsóknarfrestur rann út 31. september 2008. Menntamálaráðherra skipar forstöðumann til fimm ára að fenginni umsögn stjórnar stofnunarinnar, sbr. 1. mgr. 5. gr. laga um stofnunina. Gert er ráð fyrir að forstöðumaður taki til starfa 1. mars 2009.

Þessir sóttu um starf forstöðumanns:

• Gísli Sigurðsson
• Guðrún Nordal
• Kristján Árnason
• Úlfar Bragason

Fyrirlesturinn Arfur Tómasar postula og kristindómur á krossgötum verður fluttur á rannsóknarkvöldi Félags íslenskra fræða í húsi Sögufélags við Fischersund á fimmtudag klukkan 8. Fyrirlesari er Jón Ma. Ásgeirsson prófessor við Háskóla Íslands

Í fyrirlestrinum verður fjallað um nokkra þætti Tómasarkristni í samhengi bókarinnar Frá Sýrlandi til Íslands: Arfur Tómasar postula (Reykjavík, 2007) eftir þá Jón Ma. Ásgeirsson og Þórð Inga Guðjónsson.

Í júlí voru 200 ár liðin frá fæðingu Konráðs Gíslasonar (1808-1891) málfræðings og Fjölnismanns. Íslenska málfræðifélagið og Málvísindastofnun Háskóla Íslands efna af því tilefni til málþings laugardaginn 11. október næstkomandi um ævi og störf Konráðs og fræðileg viðfangsefni honum tengd.

Dagskrá

11.00 Ráðstefnan sett

11.15–11.45 Guðrún Kvaran:

Orðabókarmaðurinn Konráð Gíslason

11.45–12.15 Margrét Jónsdóttir:

Erlend orð um mat og góðgæti og annað því tengt í orðabók Konráðs

Í tilefni af aldarafmæli Steins Steinarr stendur Bókmenntafræðistofnun Háskóla Íslands í samvinnu við Forlagið fyrir dagskrá um skáldið í Norræna húsinu laugardaginn 11. október kl. 14.00-16.30. Bókmenntafræðingarnir Dagný Kristjánsdóttir og Ingi Bogi Bogason, Hrafnhildur Schram listfræðingur og Jón Ólafsson tónlistarmaður fjalla um ljóð og lífsafstöðu Steins, samvinnu hans við íslenska myndlistarmenn og tónlist sem gerð hefur verið við kvæði hans. Þá mun Jón Egill Bergþórsson kvikmyndagerðarmaður sýna brot úr viðtölum þar sem samferðamenn Steins minnast kynna sinna við hann.