Jóhanna Bogadóttir MA hefur störf á málræktarsviði stofnunarinnar 15.  september, í hálfu starfi. Hún mun vinna við ýmis útgáfuverkefni sem fram undan eru á vegum stofnunarinnar. Jóhanna Bogadóttir er boðin velkomin til starfa.

Stofnunin gefur út fréttabréf á ensku til að miðla upplýsingum um kennslu og rannsóknir í fornnorrænum og íslenskum fræðum, ráðstefnur og fundi, bækur og tímarit. Það kemur að jafnaði út tvisvar á ári og flytur fréttir bæði frá Íslandi og öðrum löndum. Fréttabréfið er sent stofnunum og fræðimönnum, hvarvetna í heiminum, sem Stofnun Árna Magnússonar í íslenskum fræðum hefur á póstfangaskrá sinni.

Við hátíðlega athöfn á Bessastöðum í gær, 17. júní,  sæmdi forseti Íslands tíu Íslendinga heiðursmerki hinnar íslensku fálkaorðu. Guðrún Kvaran, stofustjóri Orðfræðisviðs hjá Stofnun Árna Magnússonar í íslenskum fræðum fékk riddarakross fyrir störf í þágu orðfræða og íslenskrar tungu.
 

Málþing um skrift, skriftarfræði og handrit verður haldið fimmtudaginn 30. ágúst n.k. kl. 13-17. Málþingið verður haldið í fyrirlestrarsal Þjóðminjasafnsins við Suðurgötu. Fyrirlestrarnir verða haldnir á skandinavísku máli (og e.t.v. ensku).

Fyrirlesarar verða

Þjóðhátíðarsjóður hefur úthlutað styrkjum fyrir árið 2007. Þrjú verkefni á vegum Stofnunar Árna Magnússonar í íslenskum fræðum fengu styrk að þessu sinni.

Nýlega er lokið norrænni ráðstefnu um orðabókagerð og orðabókafræði sem Stofnun Árna Magnússonar í íslenskum fræðum stóð að ásamt norrænu félagi um orðabókafræði, NFL, og norsku málráði. Ráðstefnan var haldin á Hótel KEA á Akureyri dagana 22. til 26. maí.
 

Undirrituð hefur verið skipulagsskrá Stofnunar Gunnars Gunnarssonar, sem sjálfseignarstofnun með stofnaðild menntamálaráðuneytis, Háskóla Íslands, Stofnunar Árna Magnússonar í íslenskum fræðum, Rithöfundasambands Íslands og Þróunarfélags Austurlands. Vésteinn Ólason forstöðumaður undirritaði samninginn fyrir hönd Stofnunar Árna Magnússonar í íslenskum fræðum.

Samkvæmt skipulagsskránni er hlutverk stofnunarinnar:
1. Að annast uppbyggingu og rekstur menningar- og fræðaseturs að Skriðuklaustri í Fljótsdal.

Háskóli Íslands og Stofnun Árna Magnússonar í íslenskum fræðum hafa undirritað samning um samstarf til næstu fimm ára. Markmið samstarfsins er að efla rannsóknir og kynningu á íslenskum fræðum hérlendis og í alþjóðlegu fræðasamfélagi, styrkja menntun stúdenta í greinum sem fást við íslensk fræði og síðast en ekki síst að tryggja gæði rannsókna í íslenskum fræðum og skyldum greinum.

Hinn 5. jan. 2007 voru auglýstar tvær rannsóknarstöður við Stofnun Árna Magnússonar í íslenskum fræðum, og skyldu þær veittar til eins, tveggja eða þriggja ára. Stöðurnar verða tengdar nöfnum Árna Magnússonar og Sigurðar Nordals, sbr. 7. gr. laga um Stofnun Árna Magnússonar í íslenskum fræðum. 26 umsóknir bárust um stöðurnar.

Staða sendikennara í íslensku við Norður-Evrópustofnun Humboldtháskólans í Berlín er laus til umsóknar. Ráðið verður í stöðuna frá 1. október nk. til fimm ára. Laun eru skv. launataxta opinberra starfsmanna í Þýskalandi (BAT IIa-0).

Kennaranum er ætlað að kenna íslenskt mál, kynna íslenskar bókmenntir og þjóðfélag, hafa umsjón með og þróa tölvutækt kennsluefni í íslensku sem unnið hefur verið að við háskólann. Þá er honum ætlað að skipuleggja námsferðir stúdenta, sinna bókasafns- og stjórnunarstörfum við stofnunina og íslenskri menningarkynningu í Berlín.

Hönnunarverðlaun Félags íslenskra teiknara voru afhent í Hafnarhúsinu þann 16. febrúar.

Fyrstu verðlaun fyrir hönnun á bókakápum hlaut Sigrún Sigvaldadóttir fyrir: 'Einu sinni átti ég gott'.

Barnabókin 'Einu sinni átti ég gott' er ný vísnabók auk tveggja geisladiska með hljóðritun vísnanna.

Umsjón með útgáfu bókarinnar hafði Rósa Þorsteinsdóttir, þjóðfræðingur á Stofnun Árna Magnússonar í íslenskum fræðum, Halldór Baldursson myndskreytti og um hljóðvinnslu sá Sigurður Rúnar Jónsson í Stemmu.