Orð um orð.

Af umræðu sem birst hefur á vef- og prentmiðlum undanfarna daga má skilja að öll gögn sem Stofnun Árna Magnússonar í íslenskum fræðum (SÁM) býr yfir séu lokuð almenningi. Þetta er ekki rétt. Yfirlýst stefna SÁM er að aðgangur að gögnum stofnunarinnar sé almennt opin. Undanfarin ár hefur aðgengi að ýmsum gögnum stofnunarinnar verið bætt og gagnapökkum frá stofnuninni dreift, m.a. á Málföng.is, með eins opnum notkunarleyfum og kostur er.

Konungsbók eddukvæða GKS 2365 4to hlaut nýskráningu á landslista um Minni heimsins, þriðjudaginn 8. mars 2016. Þar með aukast möguleikar þessa merkilega handrits á að verða skráð á heimsskrá UNESCO um Minni heimsins (Memory of the World Register).

Dr. Emily Lethbridge, nýdoktorsstyrkþegi við Miðaldastofu með aðsetur á Stofnun Árna Magnússonar í íslenskum fræðum, flytur fyrirlestur á vegum Snorrastofu í Reykholti þriðjudaginn 1. mars kl. 20:30. Í fyrirlestri sínum fjallar Emily um Landnámu og þá hugmyndafræði að hlutverki landakorta og bókmennta svipi saman við að koma skipulagi á og halda utan um upplýsingar okkar og þekkingu á  landi og lífi. Hún segir frá nokkrum hugleiðingum sem snúast um að túlka Landnámabók sem landakort eða landabréf, þó sköpuð sé með orðum.