Landsbókasafn Íslands-Háskólabókasafn, Stofnun Árna Magnússonar í íslenskum fræðum og Listvinafélag Hallgrímskirkju bjóða á opnun sýningarinnar Prentlist og Passíusálmar laugardaginn 24. mars kl. 14.00.

Passíusálmar Hallgríms Péturssonar hafa verið prentaðir 87 sinnum. Fyrsta útgáfa þeirra leit dagsins ljós á Hólum í Hjaltadal árið 1666 og síðast voru þeir prentaðir í Reykjavík árið 2009. Hefur varla nokkurt annað bókmenntaverk verið prentað jafnoft á íslenska tungu.

Landsbókasafn Íslands-Háskólabókasafn, Stofnun Árna Magnússonar í íslenskum fræðum og Listvinafélag Hallgrímskirkju bjóða á opnun sýningarinnar Prentlist og Passíusálmar laugardaginn 24. mars kl. 14.00.

Passíusálmar Hallgríms Péturssonar hafa verið prentaðir 87 sinnum. Fyrsta útgáfa þeirra leit dagsins ljós á Hólum í Hjaltadal árið 1666 og síðast voru þeir prentaðir í Reykjavík árið 2009. Hefur varla nokkurt annað bókmenntaverk verið prentað jafnoft á íslenska tungu.

Félag íslenskra fræða
Rannsóknarkvöld 21. mars kl. 20
ReykjavíkurAkademíunni, JL-húsinu, Hringbraut 121, 107 Reykjavík

Guðrún Ingólfsdóttir: „Í hverri bók er mannsandi.“ Handritasyrpur – bókmenning, þekking og sjálfsmynd karla og kvenna á 18. öld.

Félag íslenskra fræða
Rannsóknarkvöld 21. mars kl. 20
ReykjavíkurAkademíunni, JL-húsinu, Hringbraut 121, 107 Reykjavík

Guðrún Ingólfsdóttir: „Í hverri bók er mannsandi.“ Handritasyrpur – bókmenning, þekking og sjálfsmynd karla og kvenna á 18. öld.

Sænska akademían tilkynnti í morgun að Einar Már Guðmundsson fái Norrænu bókmenntaverðlaunin í ár fyrir framlag sitt til bókmennta. Einar Már mun veita verðlaununum viðtöku í Stokkhólmi 11. apríl nk.

,,Sæmundarstund” verður við styttuna af Sæmundi á selnum eftir Ásmund Sveinsson myndhöggvara á flötinni fyrir framan Aðalbyggingu Háskóla Íslands á hádegi þriðjudaginn 20. mars kl. 12:30-13.

Dagskrá

Laugardaginn 17. mars kl. 10 hefst málþing í fyrirlestrasal Þjóðminjasafns Íslands um Sigurð Guðmundsson málara og menningarsköpun á Íslandi 1857-1874. Málþingið er hluti af verkefninu „Menningarsköpun: Fræðilegir áhrifavaldar, uppsprettur innblástrar og langtímaáhrif menningarsköpunar Sigurðar málara og Kvöldfélagsmanna 1857‐1874.“

Aðgangur er ókeypis og allir velkomnir.

Stofnunin gefur út rafrænt fréttabréf til að miðla upplýsingum um starf stofnunarinnar, nýjar útgáfur, fyrirlestra, rannsóknarverkefni, viðburði og fleira. Þriðja tölublaðið kom út fyrir helgi og var sent þeim sem stofnunin hefur á netfangaskrá sinni.

• Fréttabréf 3/2012
• Um fréttabréf stofnunarinnar

Laust er til umsóknar starf dósents í miðaldafræði við íslensku- og menningardeild á Hugvísindasviði Háskóla Íslands.

Dósentinn verður forstöðumaður Miðaldastofu, sem er þverfræðilegur vettvangur Hugvísindasviðs fyrir rannsóknir í miðaldafræðum, og jafnframt helsti tengiliður sviðsins við Stofnun Árna Magnússonar í íslenskum fræðum. Starfið kallar því á ríka samskipta- og skipulagshæfni, ásamt lipurð í mannlegum samskiptum, en stjórnunarhlutfall verður nokkru hærra en tíðkast í föstum kennarastörfum við sviðið.

Gripla XX er nú aðgengileg á vef. Greinar í heftinu eru byggðar á fyrirlestrum sem fluttir voru á ráðstefnunni „Nordic Civilisation in the Medieval World" sem haldin var í Skálholti 5.–9. september 2007. Fyrirlesarar voru tuttugu og fimm talsins frá átta löndum, mannfræðingar, fornleifafræðingar, bókmenntafræðingar, heimspekingar og rúnafræðingar. Ritstjóri þessa heftis Griplu er Vésteinn Ólason.

Hugvísindaþing 2012
Háskóla Íslands, aðalbyggingu
Hefst 9. mars kl. 13 og lýkur 10. mars kl. 16.30

Hugvísindaþing er árviss ráðstefna Hugvísindasviðs Háskóla Íslands þar sem fram er borið það helsta í fræðunum í stuttum fyrirlestrum og málstofum ætluðum fræðasamfélaginu jafnt sem almenningi.

• Hugvísindaþing 2012

Mörg áhugaverð erindi verða flutt á þinginu, við vekjum athygli á nokkrum málstofum:

Strengleikar Miðaldastofu Hugvísindastofnunar í Árnagarði stofu 422, 8. mars kl. 16.30. Ármann Jakobsson flytur erindi um Sigurð blinda:

The Hunt for a Blind Poet from a Dark Age. Some considerations on the foundations of our knowledge of early 16th century poetry

• Nánari upplýsingar á ensku.