Mikill áhugi er hjá landsmönnum á nafngift nýrrar eldstöðvar neðan Fimmvörðuháls. Menntamálaráðherra hefur nú staðfest hver ákveður nafnið á hinu nýja kennileiti. Þrír opinberir aðilar hafa með örnefni að gera samkvæmt lögum: Landmælingar Íslands, nafnfræðisvið Stofnunar Árna Magnússonar í íslenskum fræðum og örnefnanefnd. Starfshópur á vegum þeirra fer í sameiningu með ákvörðunarvald á nafngiftinni og hafa þeim borist fjölmargar tillögur.

Alþjóðleg ráðstefna um Vínland verður haldin í Chicago 15.-17. október. 

Meðal fyrirlesara eru Gísli Sigurðsson og Úlfar Bragason stofustjórar á Stofnun Árna Magnússonar í íslenskum fræðum.

Lesa má um ráðstefnuna á ensku:

• http://vinlandseminar.wordpress.com/

Áætlað er að Íslendingasögurnar í heild sinni verði gefnar út á norsku árið 2012. Saga forlag hefur fengið 43 milljóna styrk frá norska menningarráðinu til að þýða þær yfir á norsku. Samtals hefur verkefnið fengið um 50 milljónir í styrki frá Norðmönnum.

www.mbl.is/mm/frettir/innlent/2010/03/24/styrkja_thydingu_a_islendingasogum/

Úrslit úr samkeppni Já og Stofnunar Árna Magnússonar í íslenskum fræðum um hugvitsamlega notkun á gögnum úr Beygingarlýsingu íslensks nútímamáls liggja nú fyrir.

1. verðlaun
Orðavinda, Borgar Þorsteinsson

Vakin er athygli á að University College of London auglýsir eftir afleysingakennara í íslensku á tímabilinu frá 15. september 2010 til 14. júní 2011. Kennaranum er ætlað að kenna nútímaíslensku, íslenskar bókmenntir síðari alda og um íslenskt samfélag og menningu. Umsækjendur skulu a.m.k. hafa lokið M.A. prófi í íslensku eða sambærilegu prófi og hafa reynslu af að kenna íslensku á háskólastigi.

Unnt er að nálgast auglýsinguna á ensku á slóðinni: www.ucl.ac.uk/scandinavian-studies/

Stofnun Vigdísar Finnbogadóttur stendur fyrir alþjóðlegri ráðstefnu dagana 15.-17. apríl 2010 í tilefni af áttræðis afmæli frú Vigdísar Finnbogadóttur. Yfirskrift ráðstefnunnar er: Varðveisla til framtíðar: Sjálfbærni tungumáls, menningar og náttúru og mun hún fara fram við Háskóla Íslands. 

Ráðstefnan samanstendur af lykilfyrirlesurum ásamt samhliða málstofum þar sem fjallað verður um bókmenntir, menningu og tungumál frá ýmsum sjónarhornum.

Meðal lykilfyrirlesara verða:

Um 82% svarenda í könnun á menningarneyslu Íslendinga höfðu lesið bók sér til ánægju og rúmur helmingur svarenda (53%) hafði sótt listasafn eða myndlistarsýningu á síðustu 12 mánuðum. Þessar niðurstöður voru kynntar í gær. Könnunina gerði Félagsvísindastofnun Háskóla Íslands fyrir mennta- og menningarmálaráðuneytið síðastliðið haust. 1.200 Íslendingar lentu í úrtakinu og voru spurðir um þátttöku í menningarviðburðum síðustu 12 mánuði.

Niðurstöður könnunarinnar birtast í skýrslu sem má nálgast á heimasíðu menntamálaráðuneytis: 

Guðrún Ása Grímsdóttir, rannsóknarprófessor á stofnuninni er tilnefnd til viðurkenningar Hagþenkis fyrir Ættartölusafnrit sr. Þórðar Jónssonar í Hítardal I-II. Hér er um að ræða stórmerka frumheimild fyrir íslenskar ættfræðirannsóknir. Ættartölusafnritið er samtíðarheimild um ættir, afkomendur og búsetu fjölda Íslendinga á fyrri hluta 17. aldar. Af því spruttu yngri gerðir auknar efni um nýjar kynslóðir og frá þessum ritum er runnin ómæld þekking í prentuð ættfræðirit á nútíma.

Nafnfræðifélagið efnir til fræðslufundar laugardaginn 13. mars nk., kl. 13.15 í stofu N130 í Öskju, náttúrufræðihúsi Háskóla Íslands. Prófessor Guðrún Kvaran flytur fyrirlestur sem hún nefnir „Nöfn og aftur nöfn“.

Andrew Wawn prófessor í Háskólanum í Leeds flytur fyrirlesturinn ,Englendingar taka opnum höndum við öllu frá Íslandi' (The English grab with both hands at anything coming from Iceland). Eiríkur meistari Magnússon in Cambridge, 1871-1913 í Landsbókasafninu þann 10. mars frá kl. 12 - 13.30.

• Frekari upplýsingar um erindið (á ensku)