Rannsóknasjóður Háskóla Íslands úthlutaði styrkjum 19. janúar sl. Tilgangur sjóðsins er að efla rannsóknarstarfsemi í Háskólanum og stofnunum honum tengdum. Fjórir starfsmenn Árnastofnunar hlutu styrk að þessu sinni:

Einar Freyr Sigurðsson rannsóknarlektor. Verkefni hans nefnist Merking fyrri hluta samsettra orða.

Emily Lethbridge rannsóknardósent. Verkefni hennar er á sviði örnefna og nefnist Íslensk túnanöfn: Frumkönnun og greining.

Guðvarður Már Gunnlaugsson rannsóknarprófessor. Hann hlaut styrk til verkefnisins Dýrlingar í Skálholti: Meinlifnaður í forníslenskum bókmenntum.

Rósa Þorsteinsdóttir rannsóknardósent. Hún hlaut styrk til verkefnisins Áhrif Guðbrands Vigfússonar á útgáfu þjóðsagna Jóns Árnasonar.