Hefð er fyrir því að á degi íslenskrar tungu veiti mennta- og menningarmálaráðherra Verðlaun Jónasar Hallgrímssonar. Í ár var Vigdís Grímsdóttir þess heiðurs aðnjótandi en hún hefur í áratugi skrifað bækur af nánast öllu tagi.
Ráðgjafanefnd mælti einnig með því að sérstök viðurkenning í tilefni dagsins yrði veitt Gunnari Helgasyni sem hefur skrifað margar af vinsælustu barnabókum síðustu ára.
Í ráðgjafanefndinni áttu sæti í ár þau Baldur Hafstað, sem veitti nefndinni forstöðu, Guðrún Ingólfsdóttir og Dagur Hjartarson.
Rökstuðning nefndarinnar fyrir verðlaunaveitingu þessa árs má finna hér.
Dagskráin í Bergi var fjölbreytt og lögðu margir heimamenn til hennar.
Gunnar Helgason, Kristján Þór Júlíusson og Vigdís Grímsdóttir.
Hátíðahöld í tilefni dags íslenskrar tungu 2017 fóru fram í Bergi á Dalvík.
Amalía Þórarinsdóttir úr Grunnskóla Fjallabyggðar er einn af sigurvegurum Stóru upplestrarkeppninnar.
Þormar Ernir Guðmundsson úr Dalvíkurskóla las ljóð eftir Jónas Hallgrímsson.
Fréttastofa Rúv á Norðurlandi sendi Ágúst Ólafsson til að spjalla við Vigdísi Grímsdóttur sem fékk Verðlaun Jónasar Hallgrímssonar.
Gunnar Helgason hlaut sérstaka viðurkenningu fyrir skrif sín fyrir börn.
Guðrún Ingólfsdóttir sat í ráðgjafanefnd ráðherra og Eva María Jónsdóttir hélt utan um dagskrána.
Kór Dalvíkurkirkju söng brot úr Hulduljóðum eftir Jónas Hallgrímsson við lag Jóns Nordal.
Myndir: Guðný Sigríður Ólafsdóttir.