Árið var gert upp á ársfundi stofnunarinnar 12. september og ársskýrslafyrir árið 2023 hefur verið gefin út.

Tvö verkefni tengd Árnastofnun hafa hlotið styrk úr Sagnfræðisjóði Aðalgeirs Kristjánssonar en þetta er í fyrsta skipti sem úthlutað er úr sjóðnum.

Í dag, 11. september, var nýr vefur Árnastofnunar, m.is, opnaður. Í þessari fyrstu útgáfu er hægt að fletta upp í þremur orðabókum sem Árnastofnun gefur út, Íslenskri nútímamálsorðabók, Íslensk-enskri orðabók og Íslensk-pólskri orðabók.

Dagana 27.−28. ágúst var haldin alþjóðleg og þverfagleg ráðstefna um notkun og endurnotkun pappírs fyrr á öldum.

Að þessu sinni hófu fimm nýir styrkþegar BA-nám í íslensku sem öðru máli. Að auki fengu sjö framhaldsstyrk.

Steinþór Steingrímsson hefur verið ráðinn í stöðu rannsóknarlektors á íslenskusviði Árnastofnunar.

Árnastofnun auglýsir laus störf í þjónustuveri stofnunarinnar í Eddu. Í starfinu felst meðal annars upplýsingagjöf vegna nýrrar sýningar í húsinu og sala á aðgöngumiðum og söluvarningi í safnbúð.

Alþjóðlegur sumarskóli í handritafræðum var haldinn í nítjánda sinn 6.–15. ágúst. Skólann sóttu að þessu sinni 54 nemendur frá 17 löndum.

Á vef Árnastofnunar er nú boðið upp á nýjan möguleika til að auðvelda fólki utan stofnunarinnar að finna fræðimenn á tilteknu sviði. Leitin byggist á lykilorðum sem lýsa sérþekkingu hvers fræðimanns á stofnuninni.

Tíðfordríf Jóns Guðmundssonar lærða í útgáfu Einars G. Péturssonar er komið út í tveimur bindum.

Rúnir á Íslandi eftir Þórgunni Snædal er komin út í endurbættri útgáfu. Bókin fjallar um fjölbreytta notkun rúnaleturs á Íslandi allt frá landnámstíð og fram á 19. öld.

Mánudaginn 1. júlí hófst alþjóðlegur sumarskóli í íslenskri tungu og menningu og stóð yfir í fjórar vikur. Þetta er í þrítugasta og áttunda sinn sem slíkur skóli hefur verið skipulagður.