Staða sendikennara í íslensku við Norður-Evrópustofnun Humboldtháskólans í Berlín er laus til umsóknar. Ráðið verður í stöðuna frá 1. október nk. til fimm ára. Laun eru skv. launataxta opinberra starfsmanna í Þýskalandi (BAT IIa-0).

Kennaranum er ætlað að kenna íslenskt mál, kynna íslenskar bókmenntir og þjóðfélag, hafa umsjón með og þróa tölvutækt kennsluefni í íslensku sem unnið hefur verið að við háskólann. Þá er honum ætlað að skipuleggja námsferðir stúdenta, sinna bókasafns- og stjórnunarstörfum við stofnunina og íslenskri menningarkynningu í Berlín.

Hönnunarverðlaun Félags íslenskra teiknara voru afhent í Hafnarhúsinu þann 16. febrúar.

Fyrstu verðlaun fyrir hönnun á bókakápum hlaut Sigrún Sigvaldadóttir fyrir: 'Einu sinni átti ég gott'.

Barnabókin 'Einu sinni átti ég gott' er ný vísnabók auk tveggja geisladiska með hljóðritun vísnanna.

Umsjón með útgáfu bókarinnar hafði Rósa Þorsteinsdóttir, þjóðfræðingur á Stofnun Árna Magnússonar í íslenskum fræðum, Halldór Baldursson myndskreytti og um hljóðvinnslu sá Sigurður Rúnar Jónsson í Stemmu.

Auglýst hefur verið eftir umsóknum um stöðu lektors í norrænum miðaldafræðum við University College London. Umsóknarfrestur er til 2. mars.

Nánari upplýsingar má fá á heimasíðu skólans: http://www.ucl.ac.uk/hr/vacancies/adverts/AY3.html

Þann 5. febrúar hefst 8 vikna íslenskunámskeið á vegum Háskóla Íslands sem nefnist: Icelandic Online Plus II. Námskeiðið er ætlað háskólanemum með grunnþekkingu á íslenskri tungu og fer fram á vefnum. Umsóknarfrestur er til 1. febrúar.

Nánari upplýsingar má fá á heimasíðu skólans: http://www.hi.is/page/Icelandiconline

 

Stofnunin gefur út fréttabréf á ensku til að miðla upplýsingum um kennslu og rannsóknir í fornnorrænum og íslenskum fræðum, ráðstefnur og fundi, bækur og tímarit. Það kemur að jafnaði út tvisvar á ári og flytur fréttir bæði frá Íslandi og öðrum löndum. Fréttabréfið er sent stofnunum og fræðimönnum, hvarvetna í heiminum, sem Stofnun Árna Magnússonar í íslenskum fræðum hefur á póstfangaskrá sinni.

Fréttabréf 2006 1 (á ensku)  (53k)

:::English version below:::

Stofnun Árna Magnússonar í íslenskum fræðum tók til starfa 1. september 2006 við samruna fimm stofnana á sviði íslenskra fræða: Íslenskrar málstöðvar, Orðabókar Háskólans, Stofnunar Árna Magnússonar, Stofnunar Sigurðar Nordals og Örnefnastofnunar Íslands. Nýja stofnunin tekur við skyldum þeirra og heldur áfram verkefnum sem þær sinntu áður.

Unnið er að heimasíðu fyrir Stofnun Árna Magnússonar í íslenskum fræðum en á meðan eru síður gömlu stofnananna virkar. Tenglar inn á þær eru á forsíðunni.

Barnabókin „Einu sinni átti ég gott“ er ný vísnabók auk tveggja geisladiska með hljóðritun vísnanna.

Í tilefni af 750. ártíð Snorra Sturlusonar, 23. september 1991, ákvað ríkisstjórn Íslands að efna til styrkja sem kenndir yrðu við nafn hans. Samkvæmt reglum um styrkina, sem gefnar voru út 1992, skulu þeir árlega boðnir erlendum rithöfundum, þýðendum og fræðimönnum til að dveljast á Íslandi í því skyni að kynnast sem best íslenskri tungu, menningu og mannlífi. Styrkirnir skulu veittir í þrjá mánuði hið minnsta og miðast við greiðslu á ferðakostnaði styrkþega og dvalarkostnaði innanlands.

Valgarður Egilsson læknir flytur fyrirlestur hjá Nafnfræðifélaginu kl. 13 laugardaginn 11. nóvember nk. í stofu 1 í Lögbergi, Háskóla Íslands.

Valgarður mun velta fyrir sér nokkrum örnefnum við Eyjafjörð, einkum við utanverðan fjörðinn, bæði austan megin, í Grýtubakkahreppi, þar sem hann er fæddur og upp alinn og einnig vestan megin, í Hvanneyrarhreppi sem svo hét, þ. e. Siglufjarðarhreppi hinum forna. Hann mun skoða nokkur örnefni sem um er getið í fornritum; ennfremur mun hann skoða hvernig líkamsheiti eru notuð í örnefnum.