Þá er handritið AM 748 Ib 4to komið alla leið heim. Charlotte Bøving, leikari og fóstra Skáldskaparfræða, skinnbókar frá um 1300, og Gísli Sigurðsson, rannsóknarprófessor

og fræðari, fóru á föstudaginn með eftirgerð Hersteins Brynjólfssonar að handritinu í Húsið á Eyrarbakka. Þar verður örsýning handrita sem Lýður Pálsson og safnið fyrir austan standa fyrir með stofnuninni.

Fyrsta ferðin með handritin alla leið heim var farin í gær, í heimahérað Árna Magnússonar, Dalina. Kjartan Sveinsson tónlistarmaður og fóstra rímnahandritsins frá Staðarhóli í Saurbæ afhenti Dalamönnum við hátíðlega athöfn eftirgerð Hersteins Brynjólfssonar af handritinu. Sigurður Þórólfsson bóndi í Innri-Fagradal tók á móti handritinu fyrir hönd heimamanna. Á myndinni sést sýningin, hönnuð af Finni Arnari, sem rímnabókin er nú orðin hluti af. Rósa Þorsteinsdóttir þjóðfræðingur sagði frá handritinu og Steindór Andersen kvað rímur úr því.

Ársfundur 2013
Hótel Sögu, í salnum Kötlu
10. apríl kl. 8.15–10

Dagskrána má stækka með því að smella á myndina.