Fyrirkomulag

Fréttir eru jafnan skrifaðar af starfsfólki, kynningarstjóra eða vefstjóra. Ef tilefni þykir til eru fréttir sendar í þýðingu og færðar inn á enska útgáfu heimasíðunnar.

Senda skal allar fréttir í yfirlestur hjá prófarkalesara stofnunarinnar áður en þær eru birtar.

Frétt sett inn í vefkerfi

1. Innihald > Bæta við efni > Fréttir.
2. Skrá titil.
3. Setja inn texta í Body/Meginmál.
4. Smella á Breyta samantekt (fyrir ofan meginmálsreit) og setja inn stuttan texta sem birtist í textaboxi á fréttaveitu.
5. Setja Fréttir í Categories neðst á síðunni.

Setja inn mynd/myndir með frétt

1. Velja myndir vandlega og passa að þær séu í góðri upplausn.
2. Gæta þess að nota aðeins myndir ef leyfi liggur fyrir notkun þeirra og að þær séu ekki varðar höfundarrétti.
3. Setja mynd í Image (þessi mynd fylgir Fréttinni í boxi á forsíðu og í fréttaveitu).
4. Finna mynd með lykilorði í Library eða velja Hlaða upp til að sækja mynd í tölvu.
5. Skrá alternative text.
6. Skrá nafn myndar og hafa nafnið eins lýsandi og leitarbært og unnt er.
7. Skrá nafn myndhöfundar/uppruna myndar (má ekki sleppa).
8. Smella á Place.
9. Setja viðeigandi mynd/myndir inn í meginmál − setja bendil í byrjun efnisgreinar og velja stjörnu í valmöguleikum meginmálsreitar.
10. Smella á Display as og velja stærð.
11. Haka við hvort mynd eigi að vera í miðju, til vinstri eða til hægri.
12. Smella á Embed.

    

Tryggja myndbirtingu þegar efni er deilt á samfélagsmiðlum

1. Fara í nýjan flipa/glugga og velja Innihald > Media og smella á titil myndar.
2. Hægrismella á mynd og velja Copy image address.
3. Fara aftur í edit-aðgang fréttar.
4. Í valmynd til hægri smella á Meta tags.
5. Undir Ítarlegt, finna reitinn Mynd og líma slóð myndar í reitinn.

Birta frétt

1. Hægt er að skoða útlit fréttar áður en hún er birt með því að smella á Preview.
2. Ef allt kemur vel út, haka í Published og smella á Vista.
3. Fara á forsíðu og athuga hvort boxið komi rétt út eða hvort laga þurfi mynd.
4. Deila frétt á samfélagsmiðlum ásamt stuttum fylgitexta EÐA búa til Facebook-viðburð.
   1. Ákvörðun um það hvort eigi að búa til viðburð á Facebook tekin í samráði við kynningarstjóra.
       

Úrræði fyrir algeng vandamál

• Vandamál: Mynd birtist ekki í boxi á forsíðu og í fréttaveitu.
  • Skýring: Mynd hefur aðeins verið sett í megintexta en ekki í Image.
  • Lausn: Setja mynd í Image efst á síðu. Sjá Setja inn mynd/myndir með frétt > liður 3.
     
• Vandamál: Enginn texti birtist í boxi í fréttaveitu.
  • Skýring: Gleymst hefur að smella á Breyta samantekt fyrir ofan meginmálsreit og setja inn stutta lýsingu.
  • Lausn: Setja texta í samantekt. Sjá Frétt sett inn í vefkerfi > liður 4.
     
• Vandamál: Mynd birtist ekki eða birtist aðeins á litlu sniði þegar reynt er að deila á Facebook.
  • Skýring: Gleymst hefur að setja Image address í Meta Tags > Ítarlegt > Mynd.
  • Lausn: Setja Image address í Meta Tags. Sjá Tryggja myndbirtingu á samfélagsmiðlum hér að ofan. Að því búnu getur tekið töluverðan tíma fyrir Facebook að sækja breytingarnar. Hægt er að flýta fyrir með því að fara á Sharing Debugger hjá Meta, setja slóð fréttar í reitinn, smella á Debug og smella síðan á Scrape Again. Þá sést strax fyrir neðan hvort Facebook hafi sótt myndina.
    • Athugasemd: Athugið að þetta er aðeins hægt ef slóðin hefur þegar verið límd inn í færslureit á Facebook (ekki er nauðsynlegt að hafa birt færsluna).