Kaffihúsið Ýmir hefur verið starfrækt frá áramótum og hefur vertinn, Þórður Bragason, séð um að Eddubúar og nágrannar fái góðan heitan mat í hádeginu. Nú verður aðeins skipt um gír. Heitur matur verður áfram á matseðli en einnig verður hægt að kaupa létta rétti og sætindi yfir daginn, kaffi og létta drykki.

Loksins er komið að formlegri opnun kaffihússins og verður gestum og gangandi boðið upp á léttar veitingar föstudaginn 20. júní milli kl. 15–17. Til að auka á sumarstemninguna munu ljúfir Latino-gítartónar Rúnars Þórissonar gítarleikara flæða um kaffihúsið.

Tveir fyrir einn verður í boði allan daginn á sýninguna Heimur í orðum.

Verið velkomin í Eddu.

Sjá Facebook-viðburð