Fundur hjá Íðorðafélaginu verður haldinn þriðjudaginn 11. nóvember kl. 16.30 í fyrirlestrasal á 1. hæð í Eddu.
Dagskrá
Sigrún Þorgeirsdóttir kynnir Hugtakasafn þýðingamiðstöðvar utanríkisráðuneytisins.
Kynning á erindinu
Fjallað verður um safn íðorða sem orðið hefur til hjá þýðingamiðstöð utanríkisráðuneytisins.
Allt frá stofnun þýðingamiðstöðvarinnar árið 1990 hefur íðorðum og föstum orðasamböndum, sem tengjast hinum margvíslegu sviðum EES-samningsins, verið safnað saman í íðorðasafn. Safnið nefnist Hugtakasafn þýðingamiðstöðvar.
Einnig hafa íðorð úr öðrum lagatextum, t.d. alþjóðasamningum og öðrum Evrópusamningum, verið færð inn í Hugtakasafnið.
Greint verður frá fyrirkomulagi íðorðastarfs hjá þýðingamiðstöðinni, m.a. vinnslu íðorðalista með aðstoð gervigreindar, og íðorðateyminu sem aðstoðar þýðendur við að finna eða búa til íslensk jafnheiti enskra íðorða í nýjum textum.
Einnig verður fjallað um gæðaeftirlit með íðorðastarfinu og uppbyggingu og ritstjórn Hugtakasafnsins.