Nýr vefur Stofnunar Árna Magnússonar í íslenskum fræðum verður opnaður með stuttri kynningu á nýjungum í þjónustunni í stofu 201 í Árnagarði. Allir velkomnir á meðan húsrúm leyfir.

Á vefnum er á auðveldan hátt hægt að nálgast upplýsingar um rannsóknir, útgáfur, gögn og starfsemi stofnunarinnar. Þó stofnunin sé fyrst og fremst rannsóknarstofnun á sviði íslenskra fræða veitir hún umtalsverða þjónustu sem verður enn aðgengilegri með nýjum vef.

Allir sem nota íslensku í störfum sínum og námi eru hvattir til að mæta á kynninguna sem verður snörp en mun gefa fjölbreytilegar og gagnlegar upplýsingar.