Handritin hafa að geyma ótal skemmtilegar mannlýsingar og nú gefst fjölskyldum sem heimsækja Eddu á degi íslenskrar tungu kostur á að skapa sínar eigin lýsingar undir handleiðslu þeirra Sólveigar og Völu Hauksdætra.
Smiðjan er haldin í samstarfi við Ritlist við Háskóla Íslands og fer fram í safnkennslustofunni Sögu á 1. hæð frá kl. 14 til 16.
Smiðjan hentar fjölskyldum með börn á öllum aldri.
Handritasýningin Heimur í orðum er opin 10–17. Ókeypis er á sýninguna í tilefni dagsins.
Nánari lýsing og kynning á Völu og Sólveigu
Vala og Sólveig Hauksdætur eru systur sem stunda báðar meistaranám í ritlist við Háskóla Íslands.
Sólveig er algjör bókaormur og hefur frá æsku haft sérstakan áhuga á þjóðsögum og norrænum goðum. Vala er alltaf með liti á lofti og stöðugt að skapa með þeim.
Saman munu þær stýra skemmtilegri samverustund þar sem fjölskyldur kynnast því hvernig fólki og furðuverum var lýst í gamla daga, fyrir tíma ljósmyndanna.