Á sumardaginn fyrsta árið 1903 hófu Sigfús og Björg Blöndal að semja nýja íslenska orðabók með skýringum á dönsku.

Á Stofnun Árna Magnússonar í íslenskum fræðum hafa verið þróaðar og gefnar út fjölmargar orðabækur ásamt ýmsum gagnasöfnum. Á vef stofnunarinnar er hægt að finna fjölmörg gagnasöfn sem koma að góðum notum, sér í lagi við þessar aðstæður. Beygingarlýsing íslensks nútímamáls (BÍN), Íslensk nútímamálsorðabók, Islex-orðabókin, sem er orðabók milli íslensku og sex norrænna mála, og málið.is eru dæmi um orðabækur og gagnasöfn sem eru þægileg í notkun og ungir sem aldnir geta notað við nám og störf. 

Hér má finna eftirfarandi gagnasöfn:

Dálkahöfundur Washington Post, John Kelly, fagnar nú tíu ára afmæli íkornavikunnar og skrifaði á annan í páskum um íkornann Ratatosk.

Á annan í páskum efndi Iceland naturally, markaðssetningarverkefni á íslenskum vörum í Norður-Ameríku, til opins streymisfyrirlesturs með Gísla Sigurðssyni um fornsögurnar á Facebook-síðu sinni. Tæplega 15 þúsund manns fylgdust með öllum fyrirlestrinum og umræðum á eftir í beinni útsendingu og er upptakan af viðburðinum aðgengileg á síðunni (athugið að aðeins notendur Facebook geta hlustað).

Sjá hér. 

Vegna breytinga á kerfi upplýsingatæknisviðs Háskóla Íslands verða flest tölvukerfi Árnastofnunar óaðgengileg meðan á þeirri vinnu stendur. Þar með talið allir gagnagrunnar, málið.is, BÍN, Íðorðabankinn, Islex, Íslensk nútímamálsorðabók og fleiri vefir.

Á næsta ári verða 50 ár liðin frá heimkomu fyrstu handritanna 21. apríl 1971. Af því tilefni hefur Stofnun Árna Magnússonar í íslenskum fræðum hafið undirbúning að verkefni sem miðar að því að kynna öllum sjöttubekkingum landsins sögu íslenskra miðaldahandrita og menningararfleifðina sem í þeim býr. Verkefnið er margþætt, meðal annars er unnið að gerð kennsluefnis um handritaarfinn fyrir skólana sem kennarar geta síðan notað að vild.

Guðrún Nordal, forstöðumaður Stofnunar Árna Magnússonar í íslenskum fræðum og prófessor við Háskóla Íslands, hefur nú verið kjörin í Norsku vísindaakademíuna. Hún er meðal 6 erlendra fræðimanna sem valdir voru í ár.

Íslensk nútímamálsorðabók er ný orðabók sem birtist nú í endurhannaðri vefsíðu. 

Norðurlöndin hafa sameiginlega tilnefnt smíði norræna súðbyrðingsins á heimsminjaskrá Unesco. Verði tilnefningin samþykkt er það staðfesting alþjóðasamfélagsins á að þennan menningararf beri að varðveita fyrir ókomnar kynslóðir. 

Sjá frétt á vefnum Lifandi hefðir.

Ásdís Thoroddsen kvikmyndagerðarkona gerði heimildarmynd fyrir nokkrum árum um gerð súðbyrðingsins.

Hér má sjá stiklu úr myndinni.

Framkvæmdasýsla ríkisins hefur gert þáttaraðir sem fjalla um byggingarframkvæmdir á Húsi íslenskunnar.

Hér má sjá annan þátt  sem fjallar um hönnunarferlið.

Staða íslenskukennara við háskólann í Caen er laus til umsóknar. Ráðið verður í stöðuna frá og með 1. september 2020. Ráðning er tímabundin til þriggja ára með möguleika á endurráðningu til jafnlangs tíma. Krafist er MA-prófs í íslensku eða tengdum greinum. Æskilegt er að umsækjendur hafi lokið kennararéttindanámi og/eða hafi reynslu af því að kenna íslensku sem annað eða erlent mál. Kunnátta í frönsku er nauðsynleg.