Stofnunin gefur út fréttabréf á ensku til að miðla upplýsingum um kennslu og rannsóknir í fornnorrænum og íslenskum fræðum, ráðstefnur og fundi, bækur og tímarit. Það kemur að jafnaði út tvisvar á ári og flytur fréttir bæði frá Íslandi og öðrum löndum. Fréttabréfið er sent stofnunum og fræðimönnum, hvarvetna í heiminum, sem Stofnun Árna Magnússonar í íslenskum fræðum hefur á póstfangaskrá sinni.

Aðjúnktsstaða í norrænni textafræði hefur verið auglýst laus til umsóknar á Nordisk forskningsinstitut i Kaupmannahöfn. Umsóknarfrestur rennur út á hádegi þann 3. mars. Nánari upplýsingar má fá á heimasíðu Nordisk forskningsinstitut.

Örnefnasafn stofnunarinnar - nafnfræðisvið hefur verið flutt úr Lyngásnum í Garðabæ á Neshaga 16, 107 Reykjavík. Nýtt símanúmer er: 525 5157.

Hallgrímur J. Ámundason, Jónína Hafsteinsdóttir og Svavar Sigmundsson, starfsmenn nafnfræðisviðs eru þessa dagana að koma sér fyrir í nýjum húsakynnum. Þau eru í góðum félagsskap á Neshaganum en þar eru fyrir starfsmenn málræktarsviðs og orðfræðisviðs.

Handritasafn Árna Magnússonar í Reykjavík og Kaupmannahöfn var tilnefnt á lista UNESCO 'Memory of the World International Register'.

Landsbókasafn Íslands – Háskólabókasafn og Stofnun Árna Magnússonar í íslenskum fræðum taka þátt í evrópsku samvinnuverkefni sem hefur fengið yfirskriftina ENRICH, sem stendur fyrir European Networking Resources and Information concerning Cultural Heritage, en nefnist á íslensku: Evrópskar net- og upplýsingaveitur um menningararfleifð. Tilgangur verkefnisins er að veita aðgang frá einum stað að stafrænum myndum og lýsingum á handritum í evrópskum handrita-, skjala og minjasöfnum. Verkefnið mun standa yfir í tvö ár og því lýkur í nóvember 2009.

Nánari upplýsingar:

Málstofur Stofnunar Árna Magnússonar í íslenskum fræðum halda áfram á vorönn með svipuðu sniði og í haust.

Dagskrá vormisseris verður þannig:

Alþjóðleg ráðstefna um bragfræði á vegum Hugvísindastofnunar Háskóla Íslands í samvinnu við Norrænt félag um bragfræðirannsóknir (Nordisk sällskap för metriska studier) og Stofnun Árna Magnússonar í íslenskum fræðum verður haldin í Reykholti í Borgarfirði dagana 18. - 21. júní.

Meginefni ráðstefnunnar verður: Germanskir þættir í norrænum og evrópskum kveðskap, málfræðileg og bókmenntaleg sjónarmið.

Meðal boðsfyrirlesara verða:

Stofnun Árna Magnússonar í íslenskum fræðum hefur sérstaka fjárveitingu til að styrkja danska fræðimenn til rannsókna á Íslandi, einkum í tengslum við rannsóknir á handritum og öðrum frumheimildum.

Umsóknir fyrir árið 2008 voru afgreiddar skömmu fyrir jól:

Með bréfi dags. 17. desember 2007 skipaði menntamálaráðherra dómnefnd „sem hefur það hlutverk að efna til opinnar samkeppni um hönnun húsnæðis Stofnunar Árna Magnússonar í íslenskum fræðum“.

Dómnefndin er þannig skipuð:

Komin eru út hjá Stofnun Árna Magnússonar í íslenskum fræðum Ljóðmæli séra Einars Sigurðssonar (1539-1626) sem jafnan er kenndur við Eydali (Heydali) í Breiðdal en þar var hann prestur frá 1590 til dánadægurs. Jón Samsonarson og Kristján Eiríksson bjuggu Ljóðmælin til prentunar.

Bókin skiptist í þrjá hluta og er alls 320 bls.

Bókin ásamt geisladiski eru gefin út af Bókaútgáfunni Æskunni og Stofnun Árna Magnússonar í íslenskum fræðum. Sögurnar eru úr þjóðfræðasafni stofnunarinnar, flestar teknar upp á sjöunda áratug síðustu aldar og sagðar af íslensku sagnafólki. Hver sagnamaður segir söguna á sinn sérstaka hátt og eins hafa teiknararnir sín sérkenni. Sumir kjósa að draga fram hið hlýja og mannlega í sögunum en aðrir velja að sýna gamansemina, hryllinginn eða groddalega afþreyinguna sem margar sögurnar bera með sér.