(Frétt fengin af vef forsætisráðuneytisins 28.10. 2013)

Sigmundur Davíð Gunnlaugsson forsætisráðherra afhenti nú síðdegis Ernu Solberg, forsætisráðherra Noregs þjóðargjöf Íslendinga til Norðmanna í tilefni af því að árið 2005 voru 100 ár liðin frá endurreisn norska konungdæmisins. Fór afhendingin fram við hátíðlega athöfn í Þjóðarbókhlöðunni í Osló.

Ný vefsíða Beygingarlýsingar íslensks nútímamáls opnuð.

Mennta- og menningarmálaráðherra hefur skipað Þorstein Pálsson formann stjórnar Stofnunar Árna Magnússonar í íslenskum fræðum og Katrínu Jakobsdóttur varaformann. Þorsteinn er menntaður lögfræðingur og fyrrverandi forsætisráðherra og sendiherra. Katrín er bókmenntafræðingur, alþingismaður og fyrrverandi mennta- og menningarmálaráðherra.

• Stjórn stofnunarinnar

Bjarki Karlsson, doktorsnemi í íslenskri málfræði við Hugvísindasvið Háskóla Íslands, hlaut Bókmenntaverðlaun Tómasar Guðmundssonar 2013 við athöfn í Höfða í gær. Verðlaunin voru veitt fyrir ljóðahandritið Árleysi alda. Ljóðin komu út á bók í gær í útgáfu Uppheima.

Í tilefni þess að 350 ár eru liðin frá fæðingu Árna Magnússonar hefur verið opnuð sýning í háskólabókasafninu í Kaupmannahöfn með myndum af handritum Árna í Den Arnamagnæanske Samling. Sýningin er á vegum Nordisk Forskningsinstitut og verður opin alla virka daga fram til 13. nóvember, fæðingardags Árna Magnússonar.

Nánari upplýsingar má fá á vefnum:

http://nfi.ku.dk/samlinger/haandskriftsamling/amssamling/haandskrifterne_udstilles/

Angel Gurría, aðalframkvæmdastjóra Efnahags- og framfarastofnunarinnar (OECD) heimsótti stofnunina í Árnagarði ásamt aðstoðarkonu sinni föstudaginn 27. september 2013. Hann skoðaði valin handrit úr safninu í fylgd forstöðumanns, og sýndi þeim og efni þeirra mikinn áhuga. Angel Gurría var staddur hér á landi dagana 26.- 28. september í opinberri heimsókn í boði fjármála- og efnhagsráðherra, Bjarna Benediktssonar. Hann hefur verið aðalframkvæmdastjóri OECD frá 2006, og var áður m.a. fjármálaráðherra og utanríkisráðherra Mexíkó.