Skip to main content

Viðburðir

Fræðslufundur Nafnfræðifélagsins: Birna Lárusdóttir

19. október
2019
kl. 13.15–15

Oddi
Stofa 202
102 Reykjavík
Ísland

Birna Lárusdóttir, fornleifafræðingur og sérfræðingur í rannsóknarstöðu Sigurðar Nordals á Árnastofnun, flytur erindi sem hún nefnir:

„Land, land!  Nýtt land undir fótum!“ — Örnefna- og ferðasaga úr Surtsey

Í fyrirlestrinum verður sagt frá för fornleifafræðings með árlegum leiðangri líffræðinga til Surtseyjar sumarið 2019. Surtsey, sem er stundum kölluð yngsta land í heimi, er á heimsminjaskrá UNESCO vegna einstakra skilyrða til að skoða framgang lífs og landmótunar án áhrifa mannsins og helsti tilgangur ferða út í Surtsey er að fylgjast með þróun jarðmyndana, gróðurfars og dýralífs. Að þessu sinni var einnig reynt að varpa ljósi á menningarsögu staðarins og þátt mannsins í landnámi og mótun hins nýja eylands, fyrst og fremst með því að skoða örnefni, en fágætt er að hægt sé að rannsaka nafngiftir í nýju landi allt frá upphafi. Sagt verður frá nöfnum og ýmsu sem hefur áhrif á þau, hvernig þau hafa orðið til, skotið rótum eða ekki og endurspegla með ýmsum hætti hvers konar staður Surtsey er.

Viðburðurinn er öllum opinn og aðgangur ókeypis.
 

2019-10-19T13:15:00 - 2019-10-19T15:00:00