Svanhildur María hóf störf hjá Stofnun Árna Magnússonar á Íslandi 1. júní 1995, upphaflega við afleysingar á skrifstofu og textainnslátt, og hefur verið starfsmaður stofnunarinnar óslitið síðan. Frá september 1996 hefur hún starfað sem safnkennari stofnunarinnar og haldið utan um móttöku skólahópa, leiðsögn og fræðslu um sýningar Árnastofnunar auk þess að vera prófarkalesari stofnunarinnar en frá september 2021 alfarið sinnt prófarkalestri ásamt öðrum verkefnum, meðal annars vinnu við heimasíðuna. Prófarkalesari Árnastofnunar sinnir jöfnum höndum yfirlestri á öllum útgáfubókum og öðru efni sem birt er í nafni stofnunarinnar auk alls efnis sem birt er á vef hennar. Svanhildur María hefur umsjón með og uppfærir póstlista og valdar síður á vef stofnunarinnar, svo sem yfirlit yfir starfsmenn og gestafræðimenn, útgáfur, Árnastofnun í fjölmiðlum og þannig mætti áfram telja. Hún sinnir uppfærslu og yfirlestri á seðlum Árna Magnússonar í eiginhandarriti á handrit.is og tekur þátt í utanumhaldi vegna viðburða í Eddu. Hefur setið í vefnefnd stofnunarinnar frá 2006.