Stígðu inn í heim miðalda í Eddu! 

Dagskrá

Kl. 17  
Hundur í óskilum opnar Safnanótt í Eddu 

Þau Hjörleifur Hjartarson, Katla Margrét Þorgeirsdóttir og Eiríkur Stephensen flytja tónlist úr leikverkinu Nifl­unga­hring­ur­inn – allur sem sýnt hefur verið á fjölum Borgarleikhússins.  

Kl. 18–21 
Stuttar leiðsagnir um heim handritanna 

Kannaðu leyndardóma fornritanna í fylgd sérfræðinga á sýningunni Heimur í orðum. Svanhildur Óskarsdóttir og Haukur Þorgeirsson hafa umsjón með leiðsögninni.  

Safnkennari Árnastofnunar kallar til sín völvu sem leiðir unga gesti inn í heim handritanna.  

Kl. 17.30–21 
STÓRIR STAFIR  

Búðu til þinn eigin upphafsstaf og skreyttu í stíl íslenskra fornrita. Tekið verður á móti gestum á öllum aldri í safnkennslustofunni Sögu á 1. hæð. 

Kl. 17–22 

Ýmir býður upp á girnileg tilboð í bæði mat og drykk.  

Ókeypis verður inn á sýninguna Heimur í orðum kl. 17–22.   

Síðasta sýningarhelgi fyrir handritaskipti. Stærsta íslenska miðaldahandritið Flateyjarbók er nú til sýnis ásamt fleiri kjörgripum.  

Margrét Eggertsdóttir, rannsóknarprófessor á Árnastofnun, flytur fyrirlestur í tengslum við sýninguna Heimur í orðum.

Nánari upplýsingar síðar.

Stofnun Árna Magnússonar í íslenskum fræðum og Hugvísindasvið Háskóla Íslands standa fyrir alþjóðlegum sumarskóla í íslenskri tungu og menningu í júlímánuði ár hvert. Námskeiðið er einkum ætlað stúdentum í tungumála- og bókmenntanámi en aðrir sem áhuga hafa á íslensku nútímamáli og menningu eiga þess kost að sækja námskeiðið.

Umsóknarfrestur er til og með 15. febrúar.

Nánar um sumarnámskeiðið á íslensku og ensku.

Úlfhildur Dagsdóttir spáir í spilin.

Lísabet Guðmundsdóttir fornleifafræðingur flytur fyrirlestur í tengslum við sýninguna Heimur í orðum.

Nánari upplýsingar síðar.

Á viðburðinum verður flutt myndbandsverk og efnt til opinnar umræðu um 1000 ára sögu aðfluttra kvenna á Íslandi.

Viðburðurinn verður á ensku og íslensku.

Nánar um verkefnið

Aðstandendur verkefnisins eru Emily Lethbridge, rannsóknarlektor við Árnastofnun, og leikskáldið Sarah Woods en báðar eru þær breskar að uppruna.

Árið 2025 heimsóttu þær konur sem höfðu komið til Íslands sem hælisleitendur og tóku viðtal við þær. Upp úr þessum samtölum unnu þær verk þar sem sögur og orð kvennanna eiga í samræðu við sögur um landnámskonur, sér í lagi Melkorku í Laxdæla sögu og Helgu í Harðar sögu.

Markmið viðburðarins er að hefja frjóa umræðu um hvar við erum stödd og hvert við viljum stefna sem samfélag.

Verkefnið hefur hlotið styrk frá Borgarsjóði en það er einnig hluti af rannsóknarverkefni hjá Rannís sem nefnist Kvennaspor: Afhjúpun og ljómun kvenna í sagnalandslagi Íslands. Rauði krossinn á Íslandi er einn af samstarfsaðilum verkefnisins. Þórunn Sveinbjarnardóttir forseti Alþingis setur viðburðinn.

Gísli Sigurðsson, rannsóknarprófessor á Árnastofnun, flytur fyrirlestur í tengslum við sýninguna Heimur í orðum.

Nánari upplýsingar síðar.