Hjalti Snær Ægisson flytur fyrirlestur í tengslum við sýninguna Heimur í orðum.

Tveggja postula saga Jóns og Jakobs er lengsta sagan í Skarðsbók postulasagna, hinu gagnmerka handriti sem er talið ritað á Íslandi um 1360. Í sögunni er greint frá bræðrunum Jakob og Jóhannesi Sebedeussonum, lærisveinum Krists, og því ötula starfi sem þeir vinna við að útbreiða boðskap meistara síns eftir krossfestinguna.

Sagan hefur löngum þótt óhóflega löng og sundurlaus, enda samsett úr fjölda heimilda sem eru oft nefndar beint í texta sögunnar. Finnur Jónsson lýsti verkinu í bókmenntasögu sinni árið 1901 sem „sérlega langdreginni og óbærilega leiðinlegri framleiðslu“ (‚en overordenlig vidtløftig og ulidelig kedsommelig fremstilling‘).

Í fyrirlestrinum verður því hins vegar haldið fram að sagan sé heildstætt og haganlega samsett listaverk með skýra stefnu þar sem allur textinn (útúrdúrarnir þar með taldir) þjónar markvissum tilgangi.

Við rekjum okkur í gegnum atvik sögunnar lið fyrir lið og grennslumst fyrir um aðferð höfundarins, listrænar ákvarðanir og aðlögun þeirra latínubóka sem lagðar eru til grundvallar við ritun sögunnar.

Viðburður á Facebook

Allir eru velkomnir á tónleika í Eddu 7. og 8. nóvember milli 16 og 18. 

Fyrri daginn stígur Arnljótur Sigurðsson á stokk með blöndu af tónlist, dansi og uppistandi. Síðari daginn syngur og spilar listakonan Róshildur fjörugt framúrstefnupopp.

Tónleikarnir eru hluti af „Off-Venue“ dagskrá Iceland Airwaves og er aðgangur ókeypis.

Nánar um tónleikana á vefsíðu Iceland Airwaves.

Viðburður á Facebook

Fyrirlestur Árna Magnússonar heldur að þessu sinni fræðikonan Åslaug Ommundsen, prófessor við Háskólann í Bergen.

Ágrip erindisins bæði á norsku og ensku:

Pergament og piksler: nye tilnærminger til skriftlig kulturarv

Den skriftlige kulturarven som ble skapt av middelalderens skrivere, er omfangsrik og mangfoldig og omfatter både folkespråklige og latinske tekster. De siste årene har forskning på håndskriftsmateriale blitt utvidet i to ulike retninger. Naturvitenskapene har åpnet dører til banebrytende og ny kunnskap om de materielle sidene ved middelalderens bøker. Samtidig gir digital teknologi unike muligheter for både analyse og tilgjengeliggjøring. Denne forelesningen vil diskutere utviklingen innenfor fragmentstudier med utgangspunkt i to delvis overleverte latinske liturgiske bøker kopiert av islandske skrivere.

Parchment and pixels: re-examining written cultural heritage 

The written cultural heritage created by medieval scribes is extensive and diverse, encompassing both vernacular and Latin texts. In recent years, research on manuscript material has been expanded in two distinct directions: On one hand, the natural sciences have opened doors to groundbreaking new knowledge about the material aspects of medieval books and fragments. On the other hand, digital technology offers unique opportunities for both analysis and accessibility through digital tools and representation. This lecture will discuss the development of fragment studies, illustrated by two fragmentary liturgical books in Latin copied by Icelandic scribes.

Fyrirlesturinn verður fluttur á ensku og er öllum opinn.

Viðburður á Facebook

Að venju verður dagur íslenskrar tungu haldinn hátíðlegur 16. nóvember nk. Í tilefni dagsins munu nokkrir starfsmenn Árnastofnunar og kennarar í íslensku við Háskóla Íslands flytja örfyrirlestra um fjölbreytt efni laugardaginn 15. nóvember.

Fyrirlestrarnir hefjast kl. 13.30 í fyrirlestrasal Eddu og standa fram eftir degi.

Erindi flytja:

Branislav Bédi – „Ég fíla íslensku“  um kennslu íslensku í gegnum skynjunarfærni

Einar Freyr Sigurðsson – „Hvað ef?“ í málfræði

Steinþór Steingrímsson – Þýðingavélar – Hvenær virka þær vel og hvenær ekki?

Rúnar Helgi Vignisson – Sannsögur

Ellert Þór Jóhannsson – „Það eru helvítis þotur í mjer“ Orðabók Blöndals og daglegt mál í byrjun 20. aldar

Ari Páll Kristinsson – Brautryðjandi úr Breiðdal. Margháttað framlag dr. Stefáns Einarssonar (1897–1972) á vettvangi íslenskra fræða

Védís Ragnheiðardóttir – Hlutverk ritfærnikennslu á háskólastigi

Hjalti Snær Ægisson – Bjarnar saga Hítdælakappa stuttulluð

Katelin Parsons – Glæpur og refsing Halls harða

Beeke Stegmann og Halla Oddný Magnúsdóttir – Nýjar rannsóknir við aldursgreiningu pappírs. Stutt myndband

Allir velkomnir.

Viðburður á Facebook

Í samstarfi við nemendur í ritlist við Háskóla Íslands.

Vinafélag Árnastofnunar stendur fyrir viðburði fimmtudaginn 20. nóvember kl. 17 í fyrirlestrasal Eddu.

Er Niflungahringurinn kominn heim? Hjörleifur Hjartarson segir frá glímu sinni við Niflungahring Richards Wagners sem nú er á fjölum Borgarleikhússins í endursögn hans og flutningi Hunds í óskilum. Ásamt honum mæta þau Eiríkur Stephensen og Katla Margrét Þorgeirsdóttir og flytja tóndæmi.

Tilvalið er að fara á sýninguna Heimur í orðum á undan eða fá sér kaffi á kaffihúsinu Ými.

Allir velkomnir.

Svanhildur Óskarsdóttir flytur fyrirlestur í Eddu í tengslum við handritasýninguna.

Frá og með 10. nóvember verður sjaldséð gersemi á sýningunni Heimur í orðum. Það er agnarlítið handrit frá 15. öld sem Árni Magnússon fékk í Flatey á Breiðafirði og fór með til Kaupmannahafnar. Af ókunnum orsökum hvarf það úr safni hans, komst í eigu þýsks bókasafnara en var síðan selt á uppboði í Lundúnum árið 1870 og prýddi um hríð einkabókasafn jarlsins af Crawford í Haigh Hall í Lancashire. Í fyrirlestrinum verður fjallað um handritið, efni þess og sögu.